澳頭黑仔の釣魚行

7月15日出發澳頭釣魚，

據聞澳頭釣魚魚穫唔錯，儘管有幾唔想舟車勞頓都要走一趟！

一早起身到深圳等齊人，飲完早茶就起行往澳頭出發......

原來要搭一個鐘頭二十分鐘車程，哈哈！呢次仲唔釣餐飽？！

朋友仔之前過呢度，幫襯呢間黃記，幫我約好船家，我買埋蟲(呢度紅蟲超平，我豪買好多)：

再去街市買生蝦，今次充滿信心！

好多快艇呀！！

仲要艇幾寬敞，

開開心心終於見到船家喇，點知原來.....(等陣再講)

向茫茫大海出發！

第一個釣點頗為大浪，朋友二號不適獲利回"吐"，五個人釣得五條，有兩條BB放生！

無乜魚，閃，去到另一個位，呢處風平浪靜，好好比朋友二號抖抖，

好多海鷗，呢個行程似遊船河多過似釣魚

呢處仲死，一魚訊都無，咁大個海，魚去邊？不過我都知呢兩個釣點都無乜魚，跟住有幾個另一隻艇船家話用火藥炸緊石排，呢頭都無乜魚喇！

圈住隻就係炸石排船，

無計啦，既然咁黑仔遇著炸石排，唯有同船家商量到第三個位，

朋友仔一號幫手拋錨，船家就繼續做"廢"人，激氣！

點知又係無料到，朋友一號開始燥底，同我打眼息示意船家唔係好想車我去第二處，跟住我都燥燥，

我話："司傅，呢到無魚喎，再車去第二處啦！"

廢人："你想車去邊？"

(即時無名火起，梗係車去有魚地方啦，你係船家，澳頭又係你主場，我係客，你問我？)

我："我點知車去邊呀？知就唔駛問你啦，我香港！"

廢人死死地氣，唯有車走....

你睇....天開始黑喇！

日落黃昏靚到暈，可惜心情同佢一樣，down！

釣到九點幾，終於有魚，不過全程都係黑臘，仲有兩條倉魚，都好大條，不過勁失望，因為嘥一日，到最後先真正密密釣得個幾鐘，我諗得二十斤左右，分分鐘無呀！

興致勃勃咁，失落咁走！

不過能夠同好朋友出海，總算開心。

至於問我澳頭好唔好玩，我話唔好囉，可能我真係上錯船，鬼叫之前搵開船家出船，而呢個廢人船家又懶，一味放蚊、電話勁多急call，完全不負責任咩！

食兩餐魚：第一餐酒家，第二餐朋友二號屋企麻辣火鍋，超開心！原來魚穫多少都影響唔到我好友相聚快樂！