我們的小寶寶(萬聖節bb)誕生嘞!!

31-10-2008

尋晚由10點開始喺屋企陣痛左一整晚, 我有計時, 大約10-15分鐘一次, 痛到今朝5點幾, 頂唔住要起身了,  再計下時間, 好似已經痛到大約5分鐘一次了.  我叫馬公先返公司, 我再頂左一陣, 最後8點幾入院, mammy 陪我入院, 登記左之後, 我已經痛到行唔到, 要坐輪椅上去.... 我先俾1位唔知做咩既護士check 完一輪, 跟住我就入左候產室, 嗰度有幾個媽媽在催生, 但都未生得....... 而我在9點幾到11點時已經痛到想叫救命, 護士仲叫我留意bb有無踢我, 有無郁, 我真係feel 唔到, 只係feel 到我好痛.... 終於都明白何謂十級痛楚了. 有一刻我決定唔會生第2個了....  因為我痛到整個人有點失控, 成日都甩左個聽機, 護士叫我坐好d, 我都無理咁多.... 後嚟我有吸/聞止痛藥, 有5成效用, 我起初都驚影響到bb, 但後來我都無理咁多了..... 醫生10點幾同我check 完, 話我已經開左3度了, 護士就出去同我mammy講, then mammy 就通知馬公隨時準備到醫院.... 另外, 醫生見我未穿羊, 就幫我整穿左佢, 仲話咁樣我會可以快d生, 同埋我可能唔駛痛咁耐....穿羊水時, 真係有點像'流大量小便'般呢.... 之後, 護士再check 我既'進度', then 我就聽到佢打電話俾馬公叫佢嚟醫院陪產....

當其他媽媽仲催生中時, 護士話我已經7788 可以推入去了.....我有睇錶, 當時係11點10分, 雖然我好痛, 不停叫'好痛, 好痛', 但我嗰刻都開始緊張, 馬公唔知幾點到醫院, 我又唔知要生幾耐呢.... 好快我已經到左產房, 護士叫我再聞下氣, 俾d時間bb, 都俾d時間爸爸(佢嚟緊醫院)..... 但我11點20分左右已經唔可以再等馬公了, 護士都開始叫我用力生阿b出嚟.... 幸好馬公趕到嚟了. 佢喺我旁邊握住我隻手, 都唔知講咩好, 而我嘗試左好幾次先掌握到護士教我點生, 我個心好急, 好想快d生左阿b 出嚟, 因為穿左羊水, 阿b 唔可以停留喺肚入面太耐, 所以我用左好大既努力, 終於在11:47am 生左阿b 出嚟lu.....  (但護士話佢在玩臍帶 - 即是俾臍帶'cake'住左, 好在無事咋!)

生完阿b出嚟, 我竟然無像預期中會喊, 只係好攰, 對腳已經無力了. 仲要忍痛等護士'聯針'. 我feel 到佢一針一針既痛..... 不過, 阿b 出左嚟了, 我都安心了.... 另外有護士即時同我double check 資料, 同埋俾阿b個樣我睇, 睇完就幫仔仔帶上有我個名既扣, 手腳各1個, 仲有個防盜牌呢!  馬公同阿仔仔都出左去, 而我就等護士處理完d野, 同我轉左床就推我去病房..... 馬公幫我執好d野, 因為唔係探病時間, 所以馬公留左15分鐘左右就走了..... 夜晚6點再嚟探我同bb.  (待續)