馬騮與靈靈

軒少呢幾日持續流鼻水, 咳同有痰. 星期三由印印帶佢睇醫生, 開左藥, 中午食完晏晝放學返黎d鼻水已經少左好多, 但第二日d咳同痰都多左, 睇黎都有排搞囉! 而家軒少好鍾意食藥, 因為d顏色好colourful, 又甜甜地, 我次次食藥都問佢食邊隻色先呀, 由佢揀黎食, 佢食得好開心呢~ 食西藥都ok, 食中藥? no way啦! 有晚餵佢飲猴棗散, 夾硬餵佢飲左一啖, 即刻好似噴泉咁噴晒d藥呀, 湯呀, 飯呀咁出黎, 成身成張沙發成地都係, 真係嚇c人, 好誇張好恐怖呀, 抺到我地cc下! 第日都唔敢俾佢食呢d咁苦0既中藥啦! 真係搵黎搞呀! 到左今日, d病都好左好多啦, 好彩d燒發唔起0者, 如果發燒就麻煩啦, 返唔到學又悶到c, 我地又會煩到c~

今日晏晝polly一家同埋cherry一齊黎我屋企睇新屋同聚會~ polly女女靈靈大個左好多呀, 不過仲未脫離到bb樣, 哈哈! 佢1.5歲, 但個樣好似8個月, 反而軒少2歲多d, 就好似3歲咁款, 所以原本佢兩個只係相差8個月, 但企埋一齊就好似差兩歲咁, 相映成趣, 好搞笑呢~ 不過軒少唔知係咪返左學同d小朋友玩慣左, 一見到靈靈妹妹, 就係都要拖住佢隻手, 又要攬又要鍚咁, 不過靈靈勁反抗, 搞到軒少發晒忟, c都要拖靈靈, 仲搣佢添!, 搞到靈靈係咁扭計又喊喊,  於是我地唯有拉開佢兩個, 同軒少講下道理, 叫佢唔好咁熱情嚇親妹妹, 但佢都係唔聽呀, 成日想同靈靈玩, 又唔知自己未識就住d力黎玩喎! 於是佢發下脾氣啦, 又俾人鬧下啦, 真係曳曳呀! 今日佢地都話佢百厭, 同學校miss形容0既又唔一樣喎, 點解呢? 不過今次都係因為有bb女在場所以先至咁活躍0既0者, 佢真係好鍾意細個佢0既bb女架, 成日想同佢地玩, 反而見到d大哥哥大姐姐, 就怕怕醜醜咁, 哈哈! 今日佢地用左一隻卡通人物黎形容佢, 就係sanrio入面0既一隻馬騮仔喇! 係喎, 佢岩岩剪完頭髮, 頭圓圓又突出對耳仔咁, 仲要好似馬騮咁周圍跑, 又真係好似喎, 哈哈~ 夜晚去左食西餐, 軒少好似係第二次出街食街外野當正餐, 佢今晚都算唔錯啦, 一坐低就拎住個餐包大大啖咁咬, 一陣就食晒成個, 都係第一次見咋! 之後都自己食左半碗橙色0既炒飯, 仲有d肉類, 表現唔錯呢! 希望佢習慣食多d街外野, 仲有可以坐定定食飯啦~

同靈靈妹妹玩, 又拖人隻手, 又要同人爭野玩~

靈靈: 都話唔俾你拖囉, 乜你夾硬黎架? mami help~

連影緊相都要搞下妹妹~

嬲爆爆0既樣~

百厭星sir落地下~

靈靈唔同我玩, 咁我玩車車啦~

過左一陣, 又行埋去搞靈靈~ 不過今次玩俾玩具大家~

叫佢兩個小朋友好好地影一相正常0既相, 真係好難呀~

開朗活潑的軒少~ ^^