最後覆診+公公90大壽

星期四同印印帶仔仔去診所做最後一次覆診. 仔仔一見到醫生, 未到兩秒就即刻喊晒啦, 好似預知又會發生d慘事咁! 其實今次黎主要係拆膠布, 但膠布都甩左, 醫生就係咁二按下佢個傷口, 睇下埋口埋得好唔好, 同埋用消毒棉花同佢清洗下咁, 仔仔有過前幾次經驗, 今次都冇點反抗, 不過依然都係喊得好勁, 真係心痛c人啦~ 今次醫生仲俾埋粒粉瘤仔0既化驗報告俾我, 份報告寫得都好似幾詳細下, 但d醫學名詞太深啦, 醫生就口頭講左次俾我聽, 不過我有d唔係好記得, 內容大概係咁: 呢粒唔係咩野脂肪瘤(之前話係), 而係佢d骨生埋時有dd空隙, 皮下有d分泌物, 0係骨0既交合處形成左一粒野, 所以呢粒野係由分泌物形成的! 呢d情況好多小朋友都有, 有後天同先天之分. 份報告仲影埋有把尺度下粒野0既大小, 有0.9cm大, 仲影埋個橫切面俾我地睇, 真係好詳細~ 講完報告, 就係時候同醫生講拜拜啦, 喊完0既仔仔竟然忘記左之前0既不快, 同醫生拜拜同飛吻添, 呵呵~ 醫生話以後都唔駛再黎睇啦, 希望係咁啦~

睇完醫生, 就join埋阿媽同老豆去永安shopping, 期間仔仔百厭到暈, 唔肯坐車之餘, 仲周圍搞野周圍走, 搞到我地要睇馬騮咁睇住佢, 要印印湊住佢我地先可以專心買野! 當我揀緊d底褲仔俾仔仔時, 仔仔突然拎左三包有包裝0既底衫仔, 跟住一支箭咁跑左去, 仲邊跑邊興奮大叫, 好似慌c人地唔知佢"偷野"咁, 搞到我即刻衝住咁追住佢, 好不容易先捉到佢, 其他人就眼望望0係度笑~ 仔仔俾我捉住, 又俾我教訓一輪, 即刻好冇癮咁將d贓物擺返上架! 哼, 你真係打得少呀! 偷野!!!

星期六日返左大陸同公公慶祝生日, 見到公公婆婆難得好恩愛咁影相, 真係覺得好好笑呀! 祝佢地身體健康, 壽比南山呀~ 呢日又見到表妹0既仔仔, 佢大仔仔4個月, 上左幼稚園一個月, 但已經可以上台表演跳舞啦! 睇到佢上台表演0既video, 同一大班哥哥姐姐一齊跳舞, d動作又記得晒喎, 可以做到7-8成, 真係好搞笑呀, 佢真係好叻仔呀! 希望第時仔仔返學都可以有咁好0既表現啦~ 另外, 佢0既仔仔已經可以講到成句句子了, 仔仔你都要加油呀~

公公成90歲啦, 仲好壯健喎~

成日笑咪咪的婆婆~

開始影相時大家懶正經咁!

之後詢眾要求, 攬住黎影, 你睇佢地笑得幾SWEET~

大合照, 可惜仲差仔仔同C6!

吹蠟燭啦~

一二三, 切啦~