澳門 MGM 之旅

首先要多謝美女 Kisity, 如果唔係佢公司請去旅行, 佢又叫埋我, 我都唔會有一個難忘的澳門之旅呢... 不過亦要向佢 say sorry, 因為我回程日感冒病發仲傳染左比佢呀... sorry 呀!!! 你要快 d 好返呀 ... 我好內疚呀!!!

咁多年黎我都係跟團去旅行, 近兩年開始嘗試自由行, 不過就未試過自己一個人去旅行, 因為對自己冇咩信心, 唔知點解, 雖然我性格有點管家, 要我管人就好地地, 管自己就應該會出事! 果然.... 今次旅程真係出事喇!!! 我竟然連船票都可以唔見呀!!!

哈, 今次旅程的難忘事 :

1. 唔見回程船票 (多得威尼斯人 anges b sales 哥哥一句說話, 我先醒覺冇見過張船票)

2. 好豪咁買左個一千六百蚊的 agnes b 袋 (想買好耐, 又有船飛送, 咁就買左!)

3. agnes b sales 哥哥送左成打鉛筆比我 (洗唔洗咁豪先.. 比埋個電話號碼我嘛..... )

4. 搵返張船飛, 吐現 $100 (加埋送的船飛, 匯率, 我個 agnes b 平左好多呀)

5. 一個人去威尼斯人食自助餐 (懶理周圍所有人奇異目光, 果刻只覺得我想享受而我有能力去做, 真係好享受架! 咁先係人生啊~ )

6. Upgrade 了自己賭博的 quota, 由 $100 到 $200 (但都係肉痛)

7. 樹脂甲斷了..... 痛死................ 我...............

8. 急病, 短短時間竟然急發病, 頭暈鼻水感冒發燒咳一齊來.... 一個人等船回香港時覺得很孤獨, 但又覺得自己好叻喎

9.  等威尼斯人專車時見到有兩個奇貌不揚的男人對住一個中年女人呃飲呃食, 令我大開眼界....

10. 發現自己原來可以接受從前不喜歡的食物 - 咖啡及火龍果