拍tvc的一天

拍tvc的一天

這兩天,原本是十分忙碌的,因為星期三那天本來是有兩個廣告要拍,後來改了日期.

不過,天有不測之風雲,理應是星期四拍的另外一個廣告,臨門一腳脫角,還要o係我拍緊呢個政府廣告既時候打來取消.唉,原本還打算拍完廣告後去試身!

confirm晒,咁都可以換角,都怪自己實在太唔似o個啲吸毒人士喇!因為呢個廣告o係禁毒廣告,本來我o係做一個好細個吸毒的女仔.其實我去Casting既時候佢都話過我個外型唔似,我心諗都未必中呢個廣告.點知又中喎,真係奇怪!

呢行不嬲都係咁架啦,一日未去到現場拍,所有野都可以變!我聽過有人曾經試過臨上機前,去到機場先取消個job呀!

其實都冇所謂既,如果照原定計劃是昨天拍的話,我會好趕囉!因為昨天是超級巨星的記招.唔拍都有另外一個好處,就係唔使自己廣告打自己廣告!因為我之前啲廣告仲未播晒,咁就唔使一時見到我扮呢個人,轉頭又見我去吸毒啦!

前日是拍禁煙廣告的另外一個系列,竟然都係用番我,真神奇!一人做兩個角色,還記得之前的那個桑拿室造型嗎?對呀!就是rap住唱歌的那個廣告喇!我今日見到電視播緊第一個系列呢!應該就快有得睇我自己o個個了!

今次我們是在九龍塘巴士站拍的,第一次在巴士上等埋位,第一次在巴士上吃飯盒,好有趣!

我又扮媽咪喇!我個仔呀!