媽咪好挂住你啊...

希希.你離開媽咪身邊都有10日啦.....

哩段時間..媽咪真係好挂住你啊......日日都會睇video....越睇就越想你.好想抱你..錫你....

喜怒衰樂都受你既影響.睇到你笑.媽咪跟住笑...睇到你喊個時..媽咪個心好痛...好想喊埋一份.

每日都會打電話婆婆家好幾次電話...可惜你未識同媽咪講電話.每次聽到電話響你都會抢住電話來聽.聽兩句之後就推開部電話唔聽......

婆婆話你好拽.....

唔鐘意屈係屋企..成日都扭計要出去玩..要坐車車...要企企.要行行....

坐車車時有時婆婆遇到d朋友傾下計...傾兩句唔到就扭計要走......就算行緊車車時都會想企起身...你知唔知道甘樣係好危險架......

依家又唔鐘意坐學行車啦....鐘意爬.鐘意自己扶坐企起身......有時扭計要抱抱.

天氣甘熱..抱住你好鬼熱架麻...皮膚又好敏感...又唔鐘意入去有冷氣既房間..一入去即大喊十上身...真係無你符哦!..

唯有風扇1日24小時為你而開......媽咪買比你放車仔既風扇已經比你整唔見一隻冀啦.......真真係一個破壞王.

媽咪叫婆婆訓練你如厠..買左坐厠比你..你個8厭星顧住玩鈴鈴...仲扶住企起身拎起個坐厠..真係比你笑死..都唔知點解你可以甘大力.

為食妹..見人食乜就要扭食....唉.大人食既野.好多唔岩你食架麻..女女

無耐性..所有玩具玩唔夠十分鐘就厭....

婆婆話你出左牙仔啦....媽咪驪到真係好開心啊...可惜媽咪暫時睇唔到你出牙仔個樣啦......

唉.好多日無同你影相啦...當時真係唔記得叫姨媽帶部相機返去..

出牙仔期間.婆婆話你好扭計...仲唔食粥仔添啊..又成日流口水..又扭抱........

辛苦你啦..希希.不過哩個係必經階段來架...証明我女女又大個左小小啦...............

努心啦.希希...

媽咪好想即刻返去睇你.但嬤嬤話區18號有假.所以媽咪要等埋嬤嬤一起先返去睇你啊.爺爺都返去啊....到時你要表現得乖d啊..爺爺嬤嬤先放心麻.知道嗎???