學野

靜落來..就好想記低希希既成長點滴......

-6個月開始食粥仔...飲奶開始唔要抱住喂..

-7個零月識叫爸爸,妈妈...仲有打打

-8個月識爬.跟住識自己坐.再跟住自己扶住d野企起身.都係個一個月既事.

-9個月就出左下面兩隻門牙..老人家話7坐8爬9生牙.真的無錯

-10個月識自己企企..有時會大謄行出幾步.

-11個月識得行路...拍手.

-識bye-bye

-識飛吻

-識打哇哇

-識得聽：走啦．．起身．拖住．飲水水．．．．．．

-識將手機擺係耳仔邊聽

-識自己羅水飲同飲奶奶

-識用吸管飲野

-跌左野會識得講""跌啊"

-出街知道要著鞋.會企係鞋櫃門口示意要羅鞋出來.羅出來之後會嚐試自己著.

-飲完水叫區蓋返好個蓋.然後放好.都會照做

-食緊既果果叫區比d媽咪食.都會將果果擺入我的口里面.

-認得風扇.燈.西瓜.樹樹..

-問區邊度放歌歌.會望住電視機.

- 聽到音樂就會左右側側頭..手fing fing．拍拍手．

-梳頭；比把梳區會自己梳頭．不過越梳越亂

-刷牙：淨係比個牙刷區都唔制．知道刷牙要配埋隻杯

-話佢知手手污糟．快d拍下手仔.就會掃掃手

-訓覺之前識得羅電蚊拍打蚊蚊．

-攞遙控會對住個電視按

-唔想食粥或唔要某樣野既時候識得搖頭講”唔要”

-叫鍚鍚就會用區個額頭頂你個額頭．．完全係不標準動作

-叫區耍雜技會做出拱橋動作.示意要你將區兩隻腳舉起.

-叫區唔啜奶咀好唔好啊.都會即刻拎出個奶咀交比我.

-有時自己跌痛.問區邊度痛痛.會摸下痛既地方話你知.

數數下, 原來巳經學會咁多野, 睇住佢每學識一樣野, 感覺真係好特別....