希希返婆婆家

26-6-2009

雨天.

就好似我既心情甘........好失落

因為..

希希比姨媽湊返婆婆度比婆婆湊羅..................

12:30分送姨媽上左車..

袁生陪我返屋企之後再去返工...可能驚我會喊.所以全程都拖住我既手.

以為自己可以當無事....

但係唔得架....

真係會忍唔住喊架....

希希出世到依家9個幾月...我無離開過希希超過3個鐘.

依家...依家.....

唸起要甘耐先可以返去見希希...心情就不受控制.

希希第一次離開媽媽.

區會唔會挂住媽媽呢.....夜晚見唔到媽媽會唔會喊呢?

無媽媽係身邊會唔會唔習慣呢??

................

不過唔緊要...bb既適應能力好強既...

到時有表姐陪區玩.

好快連阿媽都唔認得羅...呵呵.

不過我又唔擔心區唔要阿媽喎....因為血濃於水既親情是割捨不斷的.媽媽始終係媽媽.

況且又唔係以後都見唔到希希..想返去見希希買張車飛.坐6個鐘車就得.  呵呵..

..................

係婆婆度..因為空間大.希希活動量增加.所以食粥仔都會食多d.作息又定時.

係香港就食得少得可憐.

希希返香港半個月既時間.我明顯感覺到希希輕左......

比婆婆湊我放心.

不過唯一擔心既係希希既皮膚....

如果無濕疹皮膚就好羅..........唉.........

.........................................................................................................

頭先姨媽趁希希訓左覺用電話報告希希係車上的情況....

希希係車度係最大聲既一個.....

口水多過茶.....

爸爸..........媽媽..........係甘叫.............

仲不停撩人傾計.

唔知隔離坐d姨姨叔叔會唔會覺得煩呢.....hehe

但我聽到就好開心哦!

個心好甜哦!

哈哈....................

越唸越挂住希希添...........

...........................................................................

希希望住車外的爸爸媽媽.....

睇區既表情...

應該都係好唔舍得爸爸媽媽啦...........

哩個衰衰姨媽.....

劫走我既希希仲笑到甘開心........