家長會

今日小ｂ學校搞咗個家長會，係比家長了解下課程編排，教學方法，而家長最感興趣莫過於小朋友上堂時的錄影片段。

睇片段時見到小ｂ係課室內玩平衡木同 "娟" 山窿，以前曾聲小ｂ話玩"娟" 山窿，問佢揾咩嚟"娟" ，佢就唔識答，睇完片就知喇。跟住見到班小朋友油顏色，油緊間學校，小ｂ梗係好認真咁油啦，係我地眼中就好似求其咗ｄ囉，不過佢仲咁細，係咁上下啦。之後仲有好多上英文堂、上普通話堂、唱歌、跳舞的片段，不過都揾唔到小ｂ的踪影，可能係小ｂ病咗無返學的日子拍啩。

之後接返小ｂ，同佢一齊睇佢的大作－油學校（所有小朋友的作品都貼喺課室外的牆上），佢好開心呀，有問必答，仲加送魚咀。陳老師話佢一開心就喺咁不停講嘢。

本來下午約咗去探 Christine 個 bb，因為我同小ｂ都咳緊，所以不便去探訪，唯有留在家中休息啦！