終於搵返惠儀喇！

今晚好開心呀！以為個衰婆 - 惠儀沉左去邊啦~~搵左佢成個幾2個月都搵唔到，手提永遠都飛左去遺言度，所以今晚決定打去佢屋企睇下。點知一打就係佢把聲~~~即刻開心晒！傾左成個鐘頭電話，但因為我仲未沖涼而中斷....."傾開中學時候既野，諗返起都覺得自己白痴，亦好懷念個段日子，真係好開心。講下中學既同學，原來我有好多都已經唔記得有佢地既存在....=.=" 有d好d既，只係唔記得左佢個名。

知道個衰婆仲係咁，我都好開心~~原來...我係咁錫你架>3<"~~記得個時講過，如果結婚既話，佢/我就一定係伴娘。唔覺唔覺，我地有成3,4年冇見過喇！之前一直講話去行街、去飲野，但就次次都冇左回事。今次，相約在下星期六長洲見。到時我會帶埋楊wow wow去探你屋企隻大肥貓阿軍同阿晴