泰基盃2008

今次破天荒，由靚靚陳師奶擔正今期女主角，做封面女郎，呢個新任媽咪笑得幾幸福。

一個花樣年華的姑娘與一個剛升任媽咪的靚太。

跑步舍眾人在比賽前吹水一番。

呢場比賽我只有呢張相，呢位高我成個頭的人，官場上足足大我９級。

可口可樂隊大合照。

蓮姐同亞 Mag。

蓮姐戴上太陽超的樣貌，你哋好少見到。

Grace 有攞獎。

亞 Mag 又重踏香港的頒獎台，而羅太 Cindy 風采依然。

終於頒獎俾蓮姐。

紅粉兵團

羅生羅太、蓮姐、亞 Mag。

蓮姐Ｄ獎多到屋企無位擺。我呢位夫人真係唔講得少。

今日朝早去到西貢北潭涌，參加泰基盃１０Ｋ，嘩！企係度唔郁都出汗，行吓都成身汗水，可想而知天氣幾熱幾潮濕，完全無風。

比賽９時正起步，今次企龍尾慢慢起，５００米後上一條足足１Ｋ有多的長命斜，仲係好斜個種，呢度教真章，捱到班人呱呱叫，我對呢條賽道十分熟識，每段路心中有數，係呢度已經好多人行，我慢慢上，無問題，去到頂，仲可以加速，但唔敢太盡，天氣已經好熱，都怕中途爆，沿途上上落落，真係無條平路，未到４Ｋ，已經見Ｄ高手回程迎面衝緊來，真係勁。

到５Ｋ前，見蓮姐折返，睇落去快我差不多６００米，而我係５Ｋ折返時，時間２９分半左右，甘嘅天氣同上甘多斜，都滿意，返轉頭就落斜多Ｄ，我保持均速去跑，但係感覺好好，雙腳一點攰感覺都無，個人都唔攰，只係覺得好熱，太陽係甘曬住，而一點風都無，沿途見好多人唔惦，好彩我平日同蓮姐都係朝早９點起步練跑１０Ｋ，所以甘嘅天氣我哋習慣咗，容易適應，反觀其他人習慣晚上練跑，呢Ｄ天氣就難應付。

蓮姐用咗５１分完成，而我就用咗５８分半完成。係終點都見有２名跑手中暑昏迷暈倒，要由救護車急送醫院救治。