NIKE 十公里----廣州站 ( ３日２夜美食團 )

最初估計大會搞呢坋場比賽會好混亂，點知由取晶片同衫個刻開始，直到大會安排的停車場泊車、行李寄存、集合起步、沿途水站、終點後取紀念品，全部井井有條，無混亂過，順風順水，尤其取紀念品一環，值得香港跑會借鏡。

星期五中午我哋一班人在羅湖商業城丹桂軒飲茶午膳，為答謝各位團友支持，我就做東，宴請各位食呢餐。

飯後成班人坐和諧號高速火車到廣州，酒店安頓後去取晶片同衫，件衫真係好靚，晚飯由我廣州朋友請客。

星期六一朝早包架旅遊巴士去比賽，大學城非常之大，大會話今次有１５０００人一齊跑，但望落去唔止呢個數，多咗好多人，亞雪企係前排起步，由於傷愈復出，唔敢太搏到盡，所以４０分１３秒完成，得女子組全場第５名。

我同蓮姐企得好後，槍聲後我哋用咗成４分幾鐘才到起點線，這時才能開始跑，但實在太多慢人，沿途要左閃右避，窒礙難行，無辦法跑自己的步速，跑跑吓蓮姐無晒心機，索情收步慢跑當 FUN RUN ，有時仲停低同吹水會影相，而我就盡力去跑，到５Ｋ時，人群開始疏散，蓮姐又有返心機去跑，一支箭超越我，當臨尾想爆起Ｄ速度，但爆唔起，只能均速返終點，個人時間５１分２９秒。

今場比賽大家都跑得好開心，返到酒店梳洗一番去午膳，跟住去上、下九路同十莆街觀光購物，晚上另一名廣州朋友請食飯。

星期日早餐後由廣州返深圳，下午一齊去食日本魚生刺身鐵板燒，好好味，３日２夜團開開心心渡過。

酒店門前大合照

第一晚係我朋友廣州天河區某派出所的所長請食飯

好多餸

跑步舍猛將

可口可樂長跑隊

點食多晒！

Helen 好有有信心

亞雪要問鼎前十名

比賽前大合照

呢件件全球每人都獨一無二

個個人號碼印係件衫度

亞雪狀態一般，希望成績好Ｄ

Helen 首次境外比賽，特別開心

兩個契女

恩愛一番

Nike 全球跑

比賽後

好開心！

比賽後當晚我另一位廣州朋友請食飯，廣東省公安廳高級警官，帶埋兩個契女來引見。

多謝呢位朋友熱情招待