打風

上星期好積極苦練，試過放假同老婆走２０Ｋ長課，點知中咗少少暑，過一、兩日好返又去死過，自己練就舒服Ｄ，同老婆練就俾佢扯爆。狀態都幾好，點知前幾日返咗兩晚通宵更，幾眼瞓，揸緊車都幾乎瞓著，之後放一日假，其實朝早成７點半先收工，上午成９點先至瞓，下午２點半起身，傍晚６點同老婆走轉１２Ｋ，次次返完通宵更後都係無耐力，因為休息唔夠，所以２Ｋ後就開始軟軟哋，但都仲有Ｄ力，跑到５Ｋ開始謝，速度好慢，去到８Ｋ就好返Ｄ，天黑氣溫清涼咗我多，有返Ｄ力，一路捱返屋企。

今個星期返早更，可以傍晚跑，昨日自己係傍晚５點半起步，由天水圍跑去尖鼻咀警崗，來回共１２Ｋ，上斜好慢，平路好Ｄ，天氣都係熱。

今日計劃係休息，朝早返工時都好熱，終於俾個網友認到我，下午收工時，熱到爆，因為風暴迫近，天文台話今晚至明天早上開始落雨，明日可能掛３號風球，甘就啱我，明日我放假，如果落大雨，氣溫涼Ｄ，我計劃跑長課，可能由荃灣跑返來天水圍２６Ｋ，如果唔大雨，就考慮走轉２０Ｋ就算數，希望明天落雨，要趁少少機會練多Ｄ長課，下個月中同老婆去北京跑全馬。