狀態愈來愈好

今朝７點起身覺得好攰，９點半又同蓮姐落街跑１０Ｋ，今日已經係連續第４日跑，以為唔惦，點知一路跑都幾順，陽光普照，今日跑天水圍河邊，有樹陰，但係好焗熱，Ｄ汗水直標出來，但係都有力走，仍可維持步幅同速度，比昨日快好Ｄ，５Ｋ折返都可以保持節奏同速度，愈跑愈開心，估唔到今日狀態比起前幾日還要好，喜出望外，返到樓下變成水人一個，潮濕又熱的天氣真有挑戰。

陣間下午又要返工，明天放假，看看狀態才決定又跑抑或休息。

個女凱珊今日跟隨佢大老細一行多人去湖南官式詢問與當地公安交流，星期日傍晚才回港。