保護色

新年的九天長假期正式開始了,
第一件神聖的任務係。。。煮公仔麵醫飽亨利!
開餐過後, 亨利馬上將碗執到廚房去, 然後我去善後,
原因係亨利要趕忙去親親佢久違了的。。。PS3!

亨利入到廚房後, 隨即聽到呯呯聲發出,
原來係兩對筷子掉到地上,

過了好一會兒都未見亨利出來,
涼親就入去看過究竟,
亨利: 有一隻筷子唔見咗呀!
涼親: 個廚房有幾大吖, 點會唔見姐, 搵清楚未呀?!

於是我倆搵呀揾, 洗衣機底, 雪櫃底, 連無開門既廚櫃都唔放過,

都唔見筷子既蹤影。

涼親: 會唔會跌咗係廁所呀?!
(註: 皆因涼亨居家徒四璧, 廚房及廁所是相連的。)
於是我倆又搵呀揾, 如是者, 差不多十分鐘都搵唔到筷子既蹤影。
呢個時候, 亨利已經心急如焚, 五音橫飛, 皆因佢聽到PS3對佢既呼喚。
亨利還誓言找到筷子後定必將佢一分為二來洩憤。

涼親心裡越諗越奇怪, 有乜可能會搵唔到呢,
於是便叫亨利將案發經過講一次,
涼親就確定筷子一定是掉到廁所內,
便開始地毯式搜索。
終於找到了。。。

看到在哪裡嗎?

看到了沒有?!

頂你, 原來係呢到。筷子都有保護色嫁!!!

亨利一邊出五音, 一手拾起筷子將佢一分為二, 然後去親親PS3。

而涼親已經笑到碌咗係地勒, 哈哈哈!!!

係大家笑緊之際, 祝大家牛年行大運, 都會好似宜家咁笑得開開心心, 事事順順利利, 身體健康, 恭喜恭喜。

今年最後一年逗利是, 涼亨一定會主動出擊, 滿載而歸, 你地識做啦, 嘩哈哈!!!