不錯的意大利菜

                        Oliva

大埔安慈路1號海寶花園地下10號鋪

去完林村許願, 就去大埔食晚飯, 我地見仲未肚餓, 咪去吉吉島行下.

行到差不多, 就去呢間 Oliva 食意大利野, 佢類似 意粉屋,

但格局好好多, 而價錢都比意粉屋便宜, 食物都 ok.

最衰呀, 佢咁鬼遠, 如果唔係都會列入我的至愛食店名單中.

個環境唔錯呢?! 我幾鍾意的.

一坐下, 就會有籃法國麵包

枱面無醬的, 你要叫佢攞, 係橄欖油和黑醋. 就係呢碟嘞.

呢隻碟, 係枱面有, 佢只係倒油和醋比你.

呢碟係我的至愛, 煎鵝肝蘋果/梨 (唔記得個名, 但菜譜只得呢個, 好易找到), 四十幾蚊, 勁抵呀!

因為我之前係超級市場買鵝肝自己煎, 一塊都要七十幾蚊, 煎完都係咁細塊.

但其實呢塊都唔細, 又有生果, 又有沙津菜, 計落自己整都唔平的, 呢碟真係抵!

依家諗起都想食!

呢個法國田螺都係我的至愛, 佢呢度唔係用薯蓉, 而係用芝士, 都好味!

呢個煙肉菠菜濶條麵就麻麻地, 唔夠熱和個麵又 [淋] 左 d .

個薄餅都 ok, 但始終個餅底都唔係意大利個隻, 係香港仲未食到正宗的意大利

薄餅, 可能有的, 但我無錢去食掛!

好彩仲食得哂, 如果唔係就浪費食物了!

呢餐都算不錯, 價值都算抵, 我會再去食, 如果經過的話, 再行大運的話,

因為實在太遠嘞!

希望佢係香港島開一間分店就好嘞!

最後, 我要讚讚 serve 我地張枱的男侍應, 佢真係做得好好, 佢的服務態度

好似外國的高級餐廳咁, 好專業, 令到我地有賓至如歸的感覺, 我地好滿意, 抵讚!

(只係佢一個, 其他好似中學生的本地侍應真麻麻, 態度要改善,

要好好向他學習! )

(香港人的服務態度整體上都好麻麻, 見你著 d 名牌野, 光鮮 d, 就會對你好 d,

睬你, 相反, 就睬你都傻. 如果唔係劉德華都唔會賣廣告, 你地明我講邊個廣告啦!)