自家製肉桂蘋果芝士蛋糕 15.10.2008

真係 "興過火屎" 呀, 又係咁, 打到差不多完, 忽然一閃, 之前打的野無哂!

唉.......又要重頭打過!

老人家, 打完就唔記得啦! 又要我再諗過, 真係 "把鬼火" 呀!

好鬼眼瞓呀, 聽日再打過!

又繼續再打嘞!

今次整個 "肉桂蘋果芝士蛋糕", 個食譜係在網上搵的, 我見咁有好多人整到,

自己又鍾意食蘋果和芝士, 咪試下整囉!

開工!

先做個餅底, 用左消化餅和牛油整成的. 今次我整個細的, 費事食咁耐!

跟住就整面頭個脆皮, 麵粉加糖, 好似係, 整完唔係好記得有嘜材料!

好嘞....最重要的......"蘋果芝士饀"

再加蛋, 拌勻佢, 加蘋果粒, 即成 "芝士漿".

又玩 "層層叠", 將 d 材料叠起哂就係嘞! you see!

登登登戥.......焗好嘞, 香噴噴!

再洒 d 糖粉係面, 咁就完成!

雖然個樣唔係好靚仔, 但第一次整都 ok, 唔錯啦!

等佢無咁熱, 就切開佢黎睇........其實唔應該係呢個時候切的,

要放入雪櫃雪一晚, 個質感會好d.

但我又心急呀, 想睇下個成果.

都仲係差少少, d 蘋果浮起左, 等我下次再諗諗先!

上面的, 係焗好即場食, 個口感好軟滑, 好似食蒸蛋咁! 唔多似芝士蛋糕.

但下面呢件, 係雪左一晚的樣, 實淨好多, 似返芝士蛋糕, 好好味!

估唔到, 蘋果都可以做芝士蛋糕, 佢地好合拍, 好正呀!

加左蘋果, 令d 芝士無膩的感覺, 好清新! 仲有面層的脆皮, 甜甜地, 脆脆地,

增加左唔同的口感, 好好味呀!