平食台灣大碗飯

        台灣美食

九龍旺角西洋菜街南街196號地下

我都好耐無係呢個 blog 度出現!

依家要記返成個月的野, 的確有難度! 仲要以我呢個患有早期性老人痴呆的人,

試下啦!

記得果排要到太子返畫班, 每次都煩食嘜?!

就咁行下行下, 行到近中華基督教會xx堂 (唔記得左) 對面, 都係在 mtr 附近,

見到呢間食台灣大碗飯的食店, 個套餐都唔貴, $28 就有交易,

仲要包一杯台灣特色飲品,

如蜂蜜綠茶等, 計落都好抵, 因為附近有間又係食類似的飯, 係無飲品送的,

所以咪入去食囉!

無銀用嘛! 就叫左最平的套餐, $28 的椒鹽豬排飯 + 柑桔蜜.

個樣就係咁, 賣相都唔錯, 食落亦都唔錯!

咁的價錢, 係好抵食的!

其實, 我都食左幾次, 當然有食 "肉燥飯" 啦, 台灣特色食品嘛!

講真, 佢 d "肉燥" 真係幾好味的!

仲有, 都有食三十幾的餐, 叫左香芋珍珠奶茶飲添,

唔錯! 抵食!

就係呢個嘞!

呢個係之前食的 "豬軟骨飯", 都唔錯的!