hi

各位朋友仔,我覆完診返來了

今朝九點鐘,老豆就陪我去聖保祿覆診,

登記完後,足足等左三個幾鐘先到我睇,因為期間方醫生去左接生,所以等左好耐,呢個方醫生真係勁,勁多人睇佢,好彩我早黎登記,先至排到第五個,好快到我咋~~

今次覆診,照到BB係女,佢仲好活潑,成日郁黎郁去,BB健康一切正常~~haha.....

醫生今次開左d鈣片,維他命D及鐵片我食,仲叫我食多d蔬果,飲奶~~

佢仲叫我可以睇定d女仔野,haha.....

下一次覆診係4月11號.......

覆完診後,我同老豆就去附近間麵店食魚旦雲吞麵,又幾好味喎,haha....

之後就撘車返屋企lu.....

番到home,當然立即打電話同老公講,BB係女la,

佢不知幾happy,仲立即打電話同奶奶講添,他們也十分開心,

之後同我d fd及契媽講,佢地仲high過我,haha......

haha...似乎阿女第時都幾多人錫喎

而家我已經開始feel到BB胎動,佢成日踢我,又真係幾活潑喎,haha......