覆完診

覆完診返黎喇,

今日無人陪我,得我自己一個去覆診咋,都幾悶下~~

一早八點幾起身,洗埋頭食埋早餐先出門口,去到醫院先九點半,

登記完後,就例牌驗尿,量血壓及磅重,

今次我吾係重好多咋,比上次重左七磅,上次138磅,今次145磅.......

之後就坐喺到呆等.........

等到十二點半就到我睇喇,今次叫做吾駛等咁耐,太好了.......

今次檢查,醫生無再話我重多左,亦無再叫我吾好食咁多澱粉質及甜野,

BB而家得三磅幾,三磅半都未夠,醫生話佢size吾大,剛剛好,

體重及其他亦正常,佢話BB太大份,生嗰時會好辛苦,而家剛剛好..........

佢仲話BB個頭經已向下,個姿勢仲係趴喺度,佢話呢個姿勢好,

如果生嗰時...BB都係呢個姿勢仲好,易生好多喎~~

不過我始終覺得BB輕左d,

之後醫生問我返工有無得坐,我話無架,一日企十個鍾,

食早餐就十分鍾,食中午就廿分鍾,根本食吾落.......

之後佢話我公司真刻薄,

我都覺呀,嗰次吾記得搽唇膏,老細大大聲話大肚婆吾係大曬......

我心諗,我有左咁耐,吾覺自己有乜特別優待噃......

在公司食又無啖好食,得夜晚嗰餐豐富有鬼用咩,吾怪怪得BB無乜重過咁啦........

比佢激死呀~~

呢幾日daddy,mummy返左大陸,要到星期五先番,

所以呢幾日都喺娘家訓呀~~

咁又放完一日假,明天又要返工,唉~~