你有良心嗎?

錢唔係萬能,但係冇錢就萬萬不能.

到底錢既價值有幾高呢?

最近香港要將粉嶺四鄉村同菜園村改建,

分別改建為豪宅,商場同高鐵.

時代係要進步,

但係同樣大自然已經越來越少,

有D人一生都係以耕種維生,

奪去佢地既菜園就等於奪去佢地既生命.

香港人既時間真係咁值錢?

而加去廣州都係兩小時,

多一小時都唔可以?

平時生活咁繁忙,

連休息既時間都冇,

多左一小時車程,

你咪當休下息囉!!

訓下,聽下歌,傾下計,諗下野......

使唔使時代進步到咁,

要趕盡殺絕?

另外,

係咪個個都要抄樓,抄地,抄鋪呢?

都係果句,

你擁有咁多,

你都只係訓半張床.

有咩比起一家人齊齊整整好呢?

政府話擔心香港被邊緣化係其實係一個藉口,

佛口蛇心,

香港政府口口聲聲話會保護市民,

會幫助市民安居樂業,

就呢兩件事,

令市民無居失業會比較合理.

身為80後既一份子,

雖然我冇親自去遊行.

但係當我睇到新聞,

我都會心痛.

到最後事實永遠改變唔到.

但係有值得安慰既事,

就係人民既良心隨住年代不斷進步緊.