勁食@Cova

假期前夕, 又同一班鄰居出外食. . . 食. . . 食, 今次第三次, 由中餐轉西餐, 主要食甜品, 最初bearbear人唔去, 因為甜品男士始終不會食太多, 最後因為開開心心一齊去, 唔食甜都去傾下計! 在門口等候入座時, 待應將食物放置精美, 未坐下巳經急不及待去影相, 有甜有咸!

甜: 藍莓芝士餅, 提拉米蘇, 芒果蛋糕, 迷你撻, 泡芙, 曲奇餅, 朱古力mousse蛋糕, 開心果mousse. . . .   

咸: 烤車厘茄, 牛油鮮菌, 小碟三文魚, 露筍,  多款火腿, 迷你牛角包, 漢堡包仔, 三文治, 矮瓜, 忌廉焗薯, 芝士西蘭花. . . 

這是bearbear人第一碟, 都是咸既, 件蛋糕一半我食埋, 之後佢最喜歡食既甜點就是朱古力蛋糕啦, 好香濃好好味!

對比bearbear人既食物, 我個碟係咪好大碟, 又多蛋糕呢! 哈哈!

這是bearbear人夾給我既咸蛋超人火腿餅乾, 用車里茄做眼, 好得意!

每人包一杯 飲品, 我叫了凍莫加咖啡

另外每人包一小cocktail 杯榛子味 Gelato~ 意大利雪糕, 好濃榛子味, 不過食太多甜味, 如果係青檸或其他酸味Gelato就好啦!

Gelato成份同雪糕是有分別，雪糕含有忌廉成份,而Gelato係低乳脂產品且不含忌廉, 鮮奶成份亦少, 但好滑, 下次經過都會再試!

最後出了啫喱杯同mousse杯, 仲有顏色好美既果撻, 不過太飽, 只有影張相無食到!