影樓相

約咗今日去影樓揀相, 我都唔算心急, 因為阿妹o個日都喊, 覺得應該唔靚啦, 一去到個sales就已經準備咗部電腦比我哋揀相, 佢叫我哋睇o岩o既就抄低個no., 總共有93張, 不過一度睇一度都覺得唔靚, 首先阿妹喊已經有影響, 而D景影出嚟都唔靚喎, 諗到就算當時妹妹係笑, 都應該唔靚呀, 越嚟越失望

直至到無著衫o個D, 可能背景係白色, 加上當時阿妹無喊, 所以都覺得幾好, 就開始寫no., 到全家幅我就更鍾意啦, 其實求其有齊四個人我都覺得靚o架喇, 揀下揀下又多過15張, 要減咁D喇, 就o係全家幅度著手啦, 因為其實有D都幾似, 最後揀咗15張, 一蚊都唔使加, 仲即時攞得CD走添, 根住我哋去咗食車仔麵, 食完就急急腳返屋企喇

無著衫呢D, 影得阿妹好得意呀, hehe, 但為免露點, 所以阿媽我作咗後期加工

呢兩張合併相都係我整o架, 阿皮話我整得越嚟越靚呀, haha!

哥哥都有單人照, 影慣相o既佢, 無難度啦, 靚呀, hehe!

到我最鍾意o既全家幅喇, 好warm呀!