呢個老細真係好

呢D工, 真係想做到退休呀, 今日老細無端端又請我哋食飯, 仲要去尖沙咀食添, 返返中港城o既"她", 食完仲可以放得工呀, 你話呢D老細去邊度搵丫, 食完飯, 我同阿皮, Henry去咗Zara行咗一陣, 因為大減價, 不過無買到嘢, 之後Henry就去搵Carrie, 我同阿皮就去咗銀行先, 然後再向H&M進發喇, 差唔多去完銀行, 阿洪就嚟到搵阿皮, 行到去H&M, 又見到Henry同Carrie, 都話過有緣千里能相會o架啦

o係H&M, 我買咗件衫同條褲比阿妹, 跟住就返屋企喇, 咁o岩阿佳都o係佐敦準備返屋企, 佢就o係南昌站等埋我, 你哋話幾搞笑, 明明係要返工o既日子, 但我哋三pair都好似唔使做咁o既

不過返到屋企, 阿佳想打機之制, 發覺部電腦又開唔到呀!  搞到阿佳心情一沉, 今次佢話可能係火牛壞喎, 但係唔想再麻煩梁軍龍喇, 所以就自己拎落金雞整, 朗仔無跟我哋去, 一睇果然係火牛壞, 我問o個個人點解咁易壞, 先知原來我哋擺o個個位阻住個風口, 應該泊第二邊擺先o岩, 好彩又即刻攞得走咋, 因為老公帶咗三張圖返屋企, 諗住聽日畫o架, 如果要遲幾日先攞得就......