Designing for The One

唔好誤會... 唔係我design! 呢個婚紗晚裝既 items 我都唔駛點粗心~ 事關我有一位做專業婚紗設計師既姐姐, 由我一開始話俾佢知要結婚時, 佢第一個反應就係拍晒心口話會幫我design架喇!

不過過左半年佢都未動筆, 你知啦~ 藝術家脾氣, 唔吹得架嘛!! 於是我唯有默默地等... (其實我係一個心急人... 好鬼心急架嘛)

我仲好認真咁做左個power point (自從畢左業之後都冇用過...) 話俾佢知我鐘意咩style, 要設計幾多件, 當日換衫既流程等等...

最近, 我姐姐比較得閒, 佢終於都開工喇!! 佢仲畫埋我個樣做個公仔頭添.... hehe... 我睇到真係有種好興奮既感覺呀!! 雖然而家只係好初步構思, 但我都好滿意呀! 我對姐姐信心十足!! 加油呀~