網誌分類：生活小事 |
今日…我一直留意皇后碼頭既消息
見到保育人士同警察既衝突
我係度諗…何必做到咁既地步呢?
唔係話保育人士同警察,
係令到件事發展到呢個地步既幕後者
可能係政府,都有可能係我地大眾既香港人
政府有錯,我地都有錯
點解當初政府做咨詢既時候
我地一個人都冇出黎講過一句說話呢??
我覺得有點自責,
如果我多d留意香港既政治
或者,我會知道咨詢既事,
可能…我出聲會有人知...
不過到宜家既地步,
只可以係回憶到訪皇后碼頭和天星碼頭了
只可以....永遠的懷念香港所失去的事物了。
DSC00348.JPG
DSC00346.JPG
DSC00344.JPG
|_arco 2007-08-23 21:16
講清楚點好，政府那時的"諮詢"只是諮詢市民填海的事宜，跟本完全無就天星皇后的去留請市民講過一句話
我們沒有甚麼所謂的居心，我們只是一群爭取市民參與城市規劃的年輕人，來到這個"港人治港"的年代，香港的城市規劃權應該回到人民的手上，不會再容許有人開著推土機，破壞我們的家園!!!
teddy_carmen 2007-08-02 17:03
要講到居心又好似嚴重左(汗)
我覺得佢地只係到件事冇得挽救既時候先出黎
係遲...
可能有d人係別有用心
但係有大部份人我相信佢地係真係想保護香港文物
至於點解當初咨詢既時候佢地唔出聲我就唔知.."
所以話...香港人同香港政府真係完完全全2個係到鬥拔河既人= =
小芬芬 2007-08-01 23:58
我開始覺得，攪呢件事钥後的人，諮詢時，他們是知道的。因為我發覺最近很多類似的事件，請願的人，永遠都在政府真正開始工程時，不能退後時，他們走出來反對政府的做法。
所以說真的，我開始懷疑他們的居心。