自己的世界

連續呢兩至三星期，我就係生活在※自己的世界※
呢個世界裡面的東西、 聲音、畫面
全部都係我所熟悉的。
而我不知不覺間變得越黎越暴躁，發晒脾氣
甚至對於身邊的人都會覺得佢地靠唔住
認定左人地係 : 『對住你係呢個樣, 背住你又另一個樣』
總之就覺得所有人、所有事都【討厭】
連平時咀啫啫的我，竟然唔想跟任何人說話，
淨係想活係※自己的世界※裡面
工又唔想搵，人又唔想見，連教會都唔想返
總之就.............要收埋自己, 唔比任何人搔擾!!!

事情一路咁發展落去, 直至上星期六
我鼓起了『勇氣』返去教會
好記得我係遲到既, 差唔多九點半先返到去
理應我係應該坐番入去裡面(同弟兄姊妹坐)
但係我並冇咁做, 反而係坐左係講者(牧師)的後面
佢地講緊邊段聖經(我唔知), 講緊乜野(我又唔知)
因為我唔想同任何人有親近, 有接觸
所以我唯有努力的聽住, 然後搵出佢地講緊邊段啦!!!
結果神的帶領下, 我找到了,     賽40:18-31
全段聖經入面最深刻，最要認知的是31【從新得力】
係....確係有令人鼓舞，有提起精神
但係咁又點呀.....始於我都係會跌番落去個黑暗位度
繼續痛苦、繼續失意、繼續沈淪
但係可幸的是---------------我身邊有你