等麥田修相等到頸都長！

話說我八月尾已經揀好想俾麥田ps，佢話要大約45天左右先會做好。嘩，咁咪要十月先修好？一陣要改完又改，又要排版，好驚趕唔切喎！我d相佢俾左佢另外一位同事負責，有咩問題都可以問佢。我通常都係用msn同佢地溝通，咁我首先第一件事就係問佢要幾耐先ps好啦，佢竟然答我話要50-65天！我即刻同佢講話佢同事明明話係45天喎，佢就話因為好多客，要耐d時間，會盡量45天左右。咁好啦，我等下啦，係等既中途我都再有問過佢兩次個status點，幾時有，可唔可以快d，佢每次都係話：我這裡盡量配合吧！

到今日十月六號，我放工返屋企搭車途中無聊咪用電話上msn囉，見到佢咪問佢幾時有啦，我又同佢講我趕住要d相做invitation card (其實唔係的，只係求奇搵個藉口)。以下係我地係msn既對話：

佢話：十月十五號左右就有啦！

我話：遲過十五號就來不及啦，我要照片做邀請咭！

佢話：我這裡盡量配合吧！（又係呢句）

我話：我十五號一定要有！十五號已經過了45天！

佢話：四十五天左右！我不能說什麼時候就什麼時候給你！顧客在排隊！我這裡盡量配合好啦吧！

嘩！呢d咩態度呀？？？我當時好想罵佢，但我冇咁做，就咁offline算啦，費是佢一陣唔知點整我d相咪屎！？！後來再諗返，我俾幾多錢丫，一分錢一分貨，算啦！同埋大陸就係咁，永遠唔知咩叫customer service。對比起台灣，簡直係蚊比同牛比！！人地由頭到尾都好好service，有時佢仲緊張過我地，仲提我地要快d添！

Customer service做唔好，就算其他野做得幾咁好都冇用，都永遠都追唔上其他國家，行行都係一樣！上個月出trip返大陸入住一間五星期酒店，雖然係五星級酒店，係幾靚既，但都係冇customer service可言，搞到我老細”慶”到對佢地發爛咋！！哈哈，真係國”慶”呀～～！

依家希望d相可以一take過搞掂啦(不過機會都好微)．．．