快樂的小怪's

近日的柔柔, 唔知做咩事, 成日好開心好開心的自己唱歌.

朋友打來時, 總是以為是茶茶, 但係柔柔啊...

佢開心到...由人類撩動物既"着着着"聲, 都變為佢既快樂之歌

第一時間喙到隻企鵝無左對眼

一日之後, 個企鵝變為....殘廢及光頭的企鵝(正面)

好似野外的 lion咁...對獵物..開胸先(背面)

******

茶茶個衰豬..從我一開始餵糊仔比柔柔食..谷返肥柔柔時..我就想快d 食晒佢啦.

因為茶茶佢好痴纏啊...纏到晚晚扭扭扭扭扭....自己係廚房行出行入行出行入, 扭埋我...成日要我抱佢....我去邊佢去邊...我沖涼係門口等...時間耐d 就對住氣窗大叫

不過佢真係好嗲豬~~

******

昨日男友入左黎..估唔到一樣野既係...康康扭男友啊.

係好扭

咩都唔要, 只係扭男友抱. 無想過啊, 咩都唔要, 唔係睇街街, 唔係去婆婆到. 係去男友到. 婆婆去打牌, 康康開心地...BYE BYE..之後就同男友 講 : 高高高呀~~~ 之後上左手後, 男友想佢落返黎...死都唔肯..只要男友.

難得~~~

唔止康康, 茶茶都扭...我地食野, 茶茶只係扭男友一個, 其實最衰以前茶茶飛去咬男友, 攪到男友好怕茶茶咬. 如果唔係...佢地2個都幾好丫.

昨日咩事, 點解D 小怪'S 咁既..好耐無見了嗎.

其實茶茶真係好乖好乖!! 好似昨日男友拎花生, 茶茶見到即發光..當佢想落去取時, 男友一講 : 你做咩呀. 茶茶即企定. 男友講 : 上返去. 茶茶即走返上去..(幾次都係咁) 我忍唔住口..講 茶茶其實真係好乖.

有時係到想, 個天比左呢3隻野我...真係已經好好.

康康既乖

茶茶既嗲

柔柔既叻

每隻都有佢獨立既地方...無一隻能夠取代

想到個天..就總係想到乖乖. 需然過左8年幾9年, 但係佢既記憶仍然好似昨日咁. 想起佢第一次好辛苦的講蝦.......佬, 同我捉迷藏.....個心仍會痛, 但不會再流淚...

真的....需然時間短..但個天比我的真係隻隻都好乖好好!!