網誌分類：出国篇 |
16-1-2009 (Friday)
今日同左Carol , Karen , YinYin, Maggie 去左沙田食飯。
原本約話去銅鑼湾、但Carol 病左、
所以我就話不如改入沙田食飯、就下Carol 放工唔使兩頭走、
今晩好開心、你地仲請我食飯、好多謝你地、又要下年再見了。
（相片後補）
17-1-2009 (Saturday)
今日中午同Kathy & Kathy 妹妹入左調景調見蓮姨、
見完蓮姨、下午同阿如去左尖沙咀、食Lunch 同埋行下、
行到 6pm 阿如就搭車返工、我就返番屋企同家人食晩飯。
可惜獨自回家途中、行緊去巴士站時遇到「迷暈黨」、
唔知大家有無或曾経收過封 Email ？
或朋友轉發的貼関於「''小姐、你係咪著細碼衫？''」既事？
大家未睇過就要留意下、同話比身邊朋友/家人提防下。
事發位置大概係尖沙咀加連威老道既附近，
突然有一個年約35-40 歲的女人，外表不像壞人、短頭髮、有 d 似関谷英、
大家迎面擦身而過、突然一聲：''小姐、唔該！''
我已行過左、我以為人地想問路、所以我拎返轉面答她：''咩事呀？''
她行近我身旁、雙眼一直不是望我、而是望住我既膊頭、同心口大約位置目無表情地説：「小姐你係咪著細碼衫？」
因為半年前我曾経收過某朋友轉發來的 Email 而知這件事、
所以我立即拎轉身走、用最快速的步伐向前行、
我行得好快、但不用一分鐘我已不知不覺間開始感到暈眩，
我果時手腳已開始感到遲緩發軟，有少少痺同頭暈暈、
直至上到巴士、返到屋企仲好驚！
晩上同老公電話講返件事、他十分擔心、也下令我不好獨自外出、
直至他下星期到港才可外出、
就算他不下命令、我也不想外出、真係好可怕、
試假著如果我没有收過朋友那封轉發、什麼都不知道、
我想我會継續回答她、之後、也不知會発生什麼事了！
其実其間我與她的對話其間看不見有任何煙既物體，她只是對我說話，十秒也沒有！
慶幸此事没有令我任何受傷或金錢損失、但卻令我不敢再獨自回港及出街了、
因此事打後的約會、除左確實左的、我全部都取消晒了、
想約的朋友、我也没有聯絡約出黎、所以想係度向各位朋友説聲抱歉。
在此希望大家出街時要小心、由其事各位女士獨自一人時、
以下是我收到的朋友轉発Email ,
我 Copy 左出黎、希望大家留意下、同提醒身邊朋友。
----------------------------------------------------------------------------------------------------
以下呢篇係我一個朋友Email轉発給我的!!
「迷暈黨」！大家睇完要留意唖!!!!
↓
Forwards:
今日(08年4月9日)親身試過,
而家諗番起都不停感激發出呢個e-mail既人, 多謝jammy forward左比我。
事原: 今日o係銅鑼灣等我男朋友收工, 行完sogo出黎過馬路既時候,
有個35-40歲著得挺斯文既女人行過黎問我野:「.....小姐.....我想問.....」,
初頭係聽唔到佢講乜, 隻耳好似塞左咁, 我一心以為佢問路,
於是再三聽, 跟住佢用手掂一掂我膊頭,
我即時諗起呢個e-mail, 跟住開始閉氣(因為勁驚係迷暈黨),
佢再問左一句我聽到既問題:「小姐, 請問你呢件係唔係細碼衫? 」,
bingo! 真係同呢個e-mail講既野一樣,
我即刻驚到閉住氣大嗌「唔係!」 就轉身跑走左......
之後我即刻打比男朋友, 同佢一路講住電話..好彩冇事。
Subject: 各位女士在香港行街購物時請小心之注意陌生女子!
人人需提防！！！
事發位置大概在尖沙咀加連威老道的 bossini 附近，
突然有一個年約35-40 歲的女人，
外表實在不像壞人(啊呀!!?不要再以貌取人)， 髮型-'running'長及至膊頭，
她捉住我的左手對我說:「小姐你係咪著中碼衫架,冇野架,我問下咋,你係咪做 model 架? 」
不知不覺我巳開始感到暈眩，我撇開她的手用最快速的步伐向前行(講真我的手腳行動巳開始感到遲緩發軟)，但我看不見有煙的物體，很厲害，她只是對我說話，30秒也沒有呀!!
我知道我巳快撐不下去了，於是我入了中華電力坐下，我休息約10分鐘後，
看見前面有間7-11便行過去(我巳觀察了有沒有可疑人物才離開，其實根本沒可
能發現他們呀！)，
我一心想著買白花油令自己醒過來，付錢後企在bar搽油(我隔離一直企著一個女人，不是之前那個)，我本想離開(我亦看見那女人巳走)，我未出門口(因為我大嫂剛剛call我叫在7-11 等 她)，
我再返回bar那女人突然返回)她向我說話，我知道他們(迷暈黨)定不會放過我，於是我出去那些人多的店舖(心裡希望大嫂快來呀)，我不停穿梭那些人多的店舖，最後大嫂來了。
在一輛機場巴士上昨晨發生懷疑迷暈劫案,到機場上班婦人報稱在車上打瞌睡，醒來已相隔登車五小時，且身處藍田街頭，身上七百多元財物盡失，更發現手臂有針孔，疑被人打迷暈針劫財，警方正展開調查。
打瞌睡賊有機可乘事主姓吳（五十四歲），住黃大仙彩雲，在機場一個貨運站做雜工。據她向警方表示，昨晨六時半，在彩虹對出巴士站登上 E22 機場線巴士往東涌上班，由於感到疲倦，在下層車尾第二排椅子坐下不久，即昏昏欲睡。過了沒多久，她一度乍醒見到青馬大橋，因距目的地尚遠，故再度入睡。直至十一時半，吳婦發現自己頹然在啟田街道上，大感莫名其妙，並發覺後腦受創，背部有傷痕，載有現款及信用卡的手袋則失去，立即到附近啟仁樓向保安員求助報警。
警方將吳婦送院，其女兒亦趕至陪伴，發現其右手腕有一個粉紅色恍如針孔的小孔，懷疑被迷暈黨打毒針打劫。於吳神志不清，警方暫未能向她詳細說了解案發經過。
迷 暈 黨 懷 疑 肆 虐 港 鐵 車 站 ！
網 上 討 論 區 近 日 熱 烈 討 論 有 關 尖 沙 嘴 迷 暈 黨 的 話 題 ，
多 名 網 民 留 言 聲 稱 懷 疑 曾 成 為 迷 暈 黨 的 獵 物 。
有 網 民 指 ， 早 前 在 尖 沙 嘴 金 馬 倫 道 港 鐵 出 口 ，
被 一 名 陌 生 女 子 輕 拍 手 臂 說 ： 「 小 姐 ， 你 件 衫 咩 size ？ 」
網 民 聽 罷 即 感 到 手 臂 一 陣 麻 痺 ， 然 後 出 現 頭 暈 徵 狀 。
有 網 民 亦 指 ， 曾 目 擊 一 名 男 子 在 尖 沙 嘴 被 人 輕 拍 手 臂 後 ，
衣 服 插 了 許 多 極 幼 細 的 針 。
我係2008年11月20日,
係旺角新之城格離過緊馬路比迷暈黨迷暈,
一個中年肥女人長長地頭髮,無啦啦拍左我手臂兩下話「喂喂」,
我轉過去望佢,佢由唔出聲,跟住我就覺得有d頭暈,諗野唔清醒,
after我由諗咁似迷暈黨ge,跟住我就怕怕走開左一米到,
我望多後面一次睇下係咪我真係識ge人,點知佢轉身走左,左去搵媽媽。
當時個feel真係好難講。當時我阿媽同舅父係前面行我跟住佢地,
個女人可能見到我自己一個人行先向我落手。
唔試過我真係唔信!
我喺琴日放工時間(即2008年8月12日)大約5點半左右,
喺cwb等朋友, 途經東角門口, 突然有一個35-40歲, 染金curl hair到膊頭既女人,
突然走埋嚟拍一拍我, 問"小姐...你件衫係咩size ga?"
即時令我醒起, 之前曾經收過一個關於迷魂黨既e-mail...於是我即時彈開...相隔大約10-15秒左右, 我開始感覺到少少暈暈地, 但個人係仲有意識既, 只係聲音都好似隔住一層咁, 當時我向後望, 知道個女人跟住我, 於是我襯自己仲有意志力, 走左上東角上面多人的地方, 感覺愈來愈模糊了, 只知自己向前行, 無方向感, 腦裡想打比我等緊既朋友, 但做唔到, 最後迫自己走左入一間boutique...時間大約已過5分鐘到la, 再望返轉頭, 個女人無再跟住我lu...
事隔15分鐘到la, 個人慢慢開始清醒, 有少少反胃, 跟住身體就無咩異樣...
真係好好好驚險ar...如果當時我唔係即刻彈開, 仲同個女人對話, 唔知結果會變成點...希望睇到依段留言既朋友, 都將依件事傳開去, 原來迷魂黨既事係千真萬確,
因為...琴日我真的遇到了...
請各位人事轉寄出去，好讓各人事事提防(尤其女性)!
請不要立亂同陌生人說話呀!!!
有人回應 :
我相信係真嫁！因為今個星期三晚,我係銅鑼灣都試過類似情況，
行經 Timesquare 附近，有個女人行過我身邊用手摸左我膊頭一下叫停我，
好慢甘同我 講：「 Miss... 唔該 ....Miss... 我想講 ...」。
我都聽唔清楚佢講咩，只係突然覺得唔多舒服同頭暈，
我無理佢諗住繼續行，但仲貼埋黎想再講野，個時感覺怪怪地甘，
好似聽極都聽唔清楚佢講咩，佢有想扶住我嫁，
但一見我朋友行過黎佢就慢慢甘行開。
雖然我冇手軟腳軟，但就好頭暈同埋對耳仔好似塞左甘，
個種唔舒服同頭暈要直到我坐低抖左成廿分鐘先散。
原本我仲以為係己唔舒服先頭暈，但睇完上面個 email 之後,
就覺得可能同個個女人有關。所以無論男女，大家出街真係要萬分小心！
各位朋友! 小心 !! 小心 !!!
如果唔係自己親身感受過都唔知原來迷暈黨咁厲害。
NEWS:
迷暈黨劫妙齡女棄街頭
http://hk.news.yahoo.com/article/080221/3/6lkh.html
兩迷暈黨深水埗圖劫少女
http://hk.news.yahoo.com/article/081230/3/9z5e.html
迷暈黨再現荃灣 七旬翁失財兩萬
http://www.hkheadline.com/news/headline_news_detail.asp?id=29972
迷暈黨懷疑肆虐港鐵車站
http://www.appleactionews.com/site/art_main.php?iss_id=20080601&sec_id=6996647&art_id=11177248
太多迷暈黨新聞、不能盡録、希望大家留意下、同提醒身邊朋友。
日記：
「２００９香港の行」待續.....
carolwing 2009-03-25 21:38
好驚呀!!!!
乜有咁多單!? 點敢返香港呀???
東口太太2009-03-25 23:53
只係覚得HK多左好多呢d人、
不過前2日睇新聞、迷暈黨係Tokyo d pub 落手添、
所以唯有自己小心d~
由其是自己一個女仔時~
MIT&DMC 2009-03-20 21:47
我今日都遇到><
又係問著咩size3,,博頭幾號碼,,,,,又叫我試3
一聽到我未夠18就走
東口太太2009-03-21 23:00
運吉事小、迷暈事大啊～
坂口かおる 2009-02-25 14:20
ps.可否引用你這篇blog呀....我想放係我個blog到呀....thx
東口太太2009-02-25 15:59
而家真係多左好多呢d人！
搞到我一個人出街而家好大隂影、形住形住！
可以呀、
希望更多人可以看到呢篇文章及forward 、
男又好、女又好、都要提防、萬分小心。
茵 2009-02-25 12:12
東口太太2009-02-25 15:53
Happy 2009-02-24 23:41
東口太太2009-02-25 15:52
希望大家都小心d 、同提醒身邊朋友,免中招！
新井太太 2009-02-24 22:20
OH!!!乜香港咁多迷暈黨o架？真係唔講唔知。
我記得我以前响銅鑼湾返工時、都遇過幾次有個女人無拉拉拍我個膊頭、問我係咪著乜野size、我知道係運吉握人、所以無理個女人、但幾次我都無試過覚得頭暈o個D、真係好好彩。
你無事平安返左黎日本、唔洗再驚。
東口太太2009-02-25 15:49
自己中過招就知道イ巨地既厲害、害人的無處不在。
今次真係好好彩、無事平安返番日本。
今次原來你都有類似経験、
我覚得イ巨地分左好多類型既＜呃錢黨＞、
有 d 就好似你経歴咁搵人運下吉、假 model 公司、
有 d 不幸就中左迷暈黨、有 d 更不幸就是迷暈針添、
以上新聞真係好恐佈、而家唸返起果刻我一個女仔暈下暈下係街、無人係身辺、其実十分危険。