暢游深水灣~

2009年8月15日

今日係我地今年第一次去沙灘游水，今朝我地同表哥仔一家 9:00am 就去到深水灣同公公婆婆會合~

初初到達，大口仔要玩玩沙, 熱下身先~

晴晴就直接跳落水同公公婆婆暢游一番~ 安全至上，一定要晴晴做足安全措施~

大口仔見姐姐游得咁開心, 忍唔住都要落水, 今次叻仔左好多, 唔怕水之餘, 仲叫媽媽同公公同佢游開d....不過抱住佢咁游法, 媽媽返到屋企腳都軟埋......

2老表漂流記? 

公公帶隊掘蜆~ 小朋友們非常雀躍~ 掘呀~掘呀~最後掘到好多, 不過都係好細隻~

越黎越曬, 我地12點前就沖身走啦, 去左香港仔飲茶, 跟住返屋企午睡一陣...皆因晴晴今晚仲要上游水堂......小姐係媽媽威迫利誘下, 終於訓左1個半鐘, 媽媽都趁機休息左一陣, 但訓醒對腳好痛, 可能抱大口仔游水太辛苦....

同晴晴去完 YMCA 游水返黎真係散哂......難得晴晴今晚仲可以如常不停游足１小時~