喜羊羊與灰太狼 II

2009年7月31日

期等巳久既 喜羊羊與灰太狼第二輯卡通, 終於係上星期開始係TVB播出啦~ 2 姐弟第一次睇廣東話版, 超興奮~

受2個表哥既影響, 大口仔以家中哂毒, 去到邊都攞住本漫畫~ 呢本漫畫真係搶錢, 本來係雙周刊 @$15, 今期開始居然變左周刊, 仲要加價賣 @$18...... 初初諗住係雙周刊, 又見有教育意義, 所以答應左大口仔, 如果乖就會期期買tim.....

不過呢本漫畫, 都令媽媽有意外收獲, 就係教識左大口仔睇日期, 以家大口仔每日都計住仲有幾多日會出下一期, 對月, 日, 星期認識得好清楚呢.....

老師叫大口仔做多d 找不同既遊戲, 係坊間真係好難搵, 估唔到喜羊羊都有出, 要成@$25....不過見大口仔咁有興趣搵, 就忍痛啦.......

 

上星期係 Watson's 見到有 "喜羊羊" 淋浴露賣, 見佢地2姐弟咁鍾意, 就買黎氹下佢地開心啦~ 不過媽媽唔會比佢地用, 雖然 Label 寫住特溫和, 但唔知會唔會敏感, 所以都係委屈自己算把啦, Refill 佢地用開既牌子落個樽到.......