【好心情。肥C。老朋友】

月日 星期五

 

尋日有一日全日既假期

耐何陳仔要番工

得自己一個響屋企

如果肥妹妹響HK就會約佢出下街

哈哈

無人陪.....唯有自己搵D野做下

做好晒屋企既野之後

就決定出街走番轉

落街見到個天唔錯

影番D相先(唔知點解打錯日子~應該係5NOV先岩)哈哈

好鐘意見到車響個街度行

好一種「慢慢黎」既感覺

出發時，見到宜對老人家

唔知

到我老左時

陳仔會拖住我定係會撘住我呢

由屋企出發

沿住薄扶林道一路向上行

去到宜度

點解SANDY BAY ROAD會叫做大口環道呢

哈哈

鄉菇出場

記得對上次自己黎宜度

係響一個心情極極極極差既日子

聽住歌。望住海。差心情。

同一個動作

但今次

聽住歌。望住海。好心情。

鄉菇好鐘意宜個堤壩

無咩人

一個人

坐響堤壩邊

望住個海

聽住自己鐘意既歌

可以坐好耐好耐

好寫意。好舒服。

坐左一段時間

再沿住堤壩一路行

見到有幾個人準備玩獨木舟

個導C好細心咁幫助D學員上船

(其實心裡面講：喂快少少得唔得，好大浪呀......小姐)

成功出海

又一寫意活動

(其實心裡面：喂~~你地快啦，得我一個、唔郁WOR...HELP ME)

響宜個咁既天氣

真係好鬼舒服

(鄉菇心裡面：D水凍C冰冰，咪搞我)

導C都出發啦

(導C心裡面：頂...搞咁耐我先出發到，扒快D先得)

響堤壩一帶

總會有好幾個宜D叔叔

一個人拎住魚竿

好悠閒咁釣魚

(叔叔心裡面：幾時先有魚呢....無魚今晚無送WOR....)

堤壩旁邊有2間國際學校

同埋一個好大既球場

響放學後

會見到一大班小朋友同D老師響度練波

回程時......

一個好吸引既黃昏情景

每次經過都會見到宜個

「日落觀瀾亭」

不過

條樓梯好恐怖

一定唔會行落去

咁樣

一來一回

鄉菇用左大約2個半鐘頭先完全宜個

「悶悶地出去行番轉」之旅

留到屋企

先發覺對腳好鬼攰呀

前幾日整左個失敗既

「心太硬」

尋日整果個都係失敗

焗得唔夠耐呀今次

中間真係有PAT朱古力醬

但係外面唔夠實

一倒出黎就爛左LU

下次整

一定成功

另外尋日整番個必成功既

「朱古力OREO毛C蛋糕」

材料好簡單

將所有既野倒埋一齊

搞。搞。搞。

OREO做餅底

唔駛10分鐘

就完全左啦

近排好愛玩

因為除左要打理我個CAFE、FARM之外

就係可以同番一班成十幾年無見

既中學同學傾計

響宜個群組裡面

已經搵番成個中學同學

個個上黎都好

有D細個響學校哈哈霸霸既

宜家就已經做左2個BB女既BABA

有D細個響學校無咩2咀既

宜家就個個都係老朋友

有D細個響學校偷偷拍拖

宜家已經結成夫婦

個感覺

好似岩岩讀完書咁

好得意

希望真係可以住宜份友誼

十幾年無見

真係好難得