發老脾！！

成４個月冇做通淋巴，覺得腫腫脹脹，鬼咁倦，於是琴日約咗做番個香薰按摩。９０分鐘話咁快就做完，舒服到想喊！

返到屋企，老公已經準備咗晚餐，雖然係簡簡單單嘅一餐，但人生若此，夫復何求？你梗係以為我吹水．．．．如果唔係就梗係思覺失調．．．．嘻嘻．．唔信就罷！

成晚可算無得彈，直至瞓覺．．．無 lala 叫老公瞓廳，老公以為我同佢玩咪扮扭計，扯火，扮咩呀．．於是就由琴日開始數到１８年前．．由１８年前數到３０年前．．鬧咗足足一粒鐘，最攪笑就係事後我竟然一覺瞓到大天光．．．．早知係咁就早幾日發老脾啦，唔使咁鬼倦！

無聊！