網誌分類：生活@澳洲 |
前日睇完所謂既醫生後(幫你照下耳仔, 照下喉嚨, 探下熱就睇完出返黎既睇醫生記後)...尋日竟然訓唔到...由病既第一日開始, 我已經每晚都覺得自己有d發燒...結果係星期二晚就買左枝探熱針返屋企(無錯, 我屋企係無採熱針既, 因為有人話自己從來都未試過發燒, 唔需要探熱...)第一次探, 又真係無發燒wow, 訓訓下覺得開始頭痛咁就再探, 原來有攝氏38.2度, 心諗正常係37度, 咁高一度都應該係正常掛...就無理佢lu...
前日下午睇醫生, 醫生都話無發燒, 咁就一路無理...點知尋晚又黎料...又訓唔到, 喉嚨又好痛, 耳仔又好痛, 仲之就全身都唔舒服...又走去探下熱, 又係攝氏38.1度, 結果忍唔住, 終於食左2粒panadol...之後個頭就開始涼返, 無咁重, 然後就全身出汗(係呢一刻, 我都幾肯定自己之前應該係發緊燒...)
之後就係咁訓一個鐘, 起身一個鐘既情況下過左一晚...唉...希望快d好返啦, 再唔病好, 星期六又要走去睇醫生啦(唔係我唔like睇醫生, 係身為一個病人, 懶得行出行入去睇d睇左=無睇既醫生...)
P.S.今日上網check完先知道原來攝氏38度, 已經係華氏100度有多...=.=
大熊貓 2008-06-13 13:26
保重啊
卡蚊 2008-05-04 19:38
好返未呀carol.......香港都開始熱了....今日都有30度.......
take care呀....
Carol仔2008-05-05 06:42
病左一星期有多之後, 終於好返啦 ^_^
30度咁熱....=.= 小心出入冷氣地方, 一冷一熱呀, 呢邊開始凍, 都著左外套好一段時間, 唔知點解, 今年好似凍過上年...
青 2008-04-21 10:38
Carol仔2008-05-05 06:40
病到22, 23號就好返lu, 足足病左一星期...=.=
係呢度, 每次病親都知道睇醫生無咩用, 結果平時就比係香港食多好多有豐富維他命C既生果, 哈哈哈哈
LOUN 2008-04-19 10:05
傻瓜!!!咪食咁多panadol................真係好想飛過黎睇你....
好好保重身體呀..
用下退熱貼先la....有少少燒傘.......
Carol仔2008-05-05 06:36
屋企之前連探熱針都無, 點會有退熱貼, 哈哈...
係就快d搵日飛過黎探下我啦 ^_______________^
Wing 2008-04-19 02:31
Carol仔2008-05-05 06:35
而家已經無事lu, 其實你朋友我已經好小心身體, 哈哈哈哈