職場陰暗面

因為老細唔希望我公司既前總經理(下稱“渣打”)兩公婆做埋同一間公司，所以今年年初舊事重提，叫前總經理老婆轉到姊妹公司出任部門經理，但最後再給渣打拒絕了。Instead，渣打選擇自己到姊妹公司出任總經理，老婆就繼續於原公司做，而原本渣打的總經理一職，則由公司之前副總經理(下稱“惠普”)取代。

惠普做咗總經理(即係我老闆)之後，我同佢配合無問題喎，都做咗挨住10年既同事啦，大家對對方既處事方式都好熟悉，夾到

不過，故事未完結...

問題係...渣打唔肯放手囉！對於我哋公司既嘢，尤其是個別兩個部門，死都唔肯放手，即使太子出晒email俾佢，講到明佢已經係姊妹公司既總經理，佢既工作重心係姊妹公司既事務，叫佢將我公司既嘢放手，但係佢回咗email 答 "Noted"之後，都係要繼續插手！

我覺得咁樣好討厭

渣打不嬲做事都比較不擇手段，會出口術，又會出“那渣招”。做佢秘書時我已經唔認同佢既處事方式，亦多次唔識死咁向佢表示我既睇法~~
點知佢而家唔再係我既上司，我更加憎佢，因為我知道佢成日出email俾我公司啲部門經理去拉攏佢哋，分化佢哋同惠普既關係~~

當然，我明白事情有兩面，如果渣打真係成功地喺我公司搞到分化的話，係佢有本事之餘，惠普自己都有責任，因為佢既管理人材呢方面既技巧未夠。

不過眼白白睇住呢啲事情發生，真係覺得渣打好黑人憎、好討厭~~

假如某日，兜兜轉轉之後，我又要跟返渣打的話，我會唔會忍唔住同太子講我唔想跟呢個咁卑鄙既人做嘢呢  anyway~~都係唔好諗埋啲無謂嘢，因為呢樣嘢應該唔會喺一年之內發生…