10個月

喺10月28號食埋手頭上喺貨尾，29號當日正式轉食大仔奶粉，以味住琳琳要向大個女進發...yeah~~

今個月嘅琳琳學識咗好多嘢，首先係摟出街，次次見襯有人開門，都會以9秒9速度爬去大門口，搵出門口嗰d人抱(乜人都跟住走)

第二就係識捉住人隻手協助佢玩玩具，有日謙baba按發聲玩具，琳琳唔識自己按，佢識得捉住謙baba隻手拉佢埋玩具旁，要謙baba幫手按，重覆咗哩個動作好多次。

第三就係乜嘢都拎黎<拋>，無論乜嘢放喺佢手上面，佢第一時間就<拋>落地下，仲要係我地執完佢又即<拋>，唔執比佢就發脾氣。

第四識摟嘢食，每次見我哋食嘢，佢都會望實我哋d食物吞口水，謙baba試過幾次喺我哋食飯時比小小白飯or餸佢食後，而家每當我哋食飯時，佢都會企喺謙baba附近係咁叫，直到謙baba比嘢佢食佢先肯收聲。

第五聽到音樂會好開心，成日企喺度腳un un、拍拍手，好似跳舞咁

發音方面識講 baba 、mama、 mum mum唔知佢係唔係真係識呢??每次佢要食嘢時佢會不斷講mum mum(比隻衰蚊錫咗啖)

鍾意自己攬住攬枕同埋攬住大人枕頭瞓覺

可以唔駛扶住行到十幾小步，但好多時都唔敢放膽行，一要佢行佢就即爬

鍾意咬住d嘢但隻手不斷攪攪震，十足十成隻狗隻咁

最鍾意就係搬哂書櫃d書出黎

已經試咗好多食物蕃茄、菠菜、翠玉瓜、南瓜、豬肉、魚肉、雞肉、節瓜、娃娃菜、紅羅白、薯條、雪糕、餅干、各款包包、西瓜、蘋果、梨、香蕉、車厘子、橙、提子、木瓜、雞蛋等等

只係雞蛋食咗少少後個身出咗兩三日紅點，其餘食物都冇咩大問題

琴日仲成功喺廁所去ng ng片片冇污jo到，不過由坐廁所到柯完包返片都不斷喊同發脾氣。

同埋由今日開始正式食三餐240ml奶兩餐一碗粥lu

身高71CM

體重8KGS