Are U ReaDY

2009-01-02 (37W4D)
而家係清晨7點鐘，真係估唔到我會咁早起身寫blog，正確黎講我應該係成晚冇瞓先真!!!
由琴晚半夜兩點幾三點開始，我個肚就簡唔中有少少痛，嗰種感覺好唔舒服，好似係谷m咁"拿住拿住"，我又唔敢嘈醒謙爸爸，因為我都唔知我係唔係真係作動，同埋謙爸爸今日都仲要返工。
成晚典黎典去都瞓唔到，又要比佢兩父子夾係中間"毓"唔到，結果我就由漆黑一片等到天光，諗諗吓都係起身寫嘢好過。
半夜無事做諗緊如果bb真係出世要點做好，大至上要準備嘅嘢都準備好，心入面都諗bb如果真係要出世就出世啦，不過唔該你要比大d提示我，而家咁樣都唔知佢想點???
但再諗諗吓原來仲有好多"濕星嘢"未攪，好似走佬袋執咗d未執d，而家仲爭d日用品未放落去，bb床圍、被單未洗，奶樽奶咀又未洗啦，仲有就係訂咗成個月岩岩先有貨但而家又未送貨嘅兩箱奶粉，真係越諗越多嘢未做!!!

bb為咗迎接你嘅來臨除咗之前嘅清場行動外，我哋仲做咗好多嘢等你架!!
首先就係煮腐竹薏米白果雞蛋糖水，mama為咗你真係強迫食架咋，不過今胎mama好懶到今日為止只係食咗兩次咋。


跟住就係洗你d衫仔、同埋包被用品，唔洗唔知原來買埋買埋你都有唔少衫架喎





2009-01-05 (38w0d)
今日去政府醫院檢查，成個流程超快，由頭到尾半個鐘就走得，去到醫生都係聽吓bb心跳摸吓肚，冇咩特別。
mama體重 : 59.3 kgs



2009-01-07 (38w2d)
到今日都仲打緊字就知我仲未生得啦，自從2號嗰晚清晨痛完後到今日又冇再痛lu，睇黎bb都應該會乖乖9號出世架喇。
聽日一早我就要入院住一晚檢查，到9號就開刀生bb喇，自Elvin出世後我第一次冇得陪佢瞓，唔知我哋慣唔慣呢?? 唔知Elvin會唔會好掛住我呢?? 希望bb合作d到時順順利利咁就可以快d出院就好喇。
2號當日仲話有d嘢未準備好，跟住拿拿聲洗埋未洗嘅嘢，咁岩當日下午奶粉就送到，而家總算攪掂哂，今次真係可以安心等bb出世喇。