Emily & Justin 南生圍外影

2008年11月16日  早上10時   地點: 南生圍

這兩個月可算是我的peak season, 差不多星期一至日都在工作, 甚至乎試過一日走3個location去化妝, 坐車的時間亦是我最珍惜的時間, 可以利用這段時間小休片刻, 完全有少少行屍走肉的感覺, 不過, 做嘢的時候又會精神起來, 我的客人找我化妝通常都是一些喜慶的日子, 不論是結婚, 娶媳婦, 做姊妹, 出席婚禮, 公司的annual dinner......等等, 都是一些值得開心的事, 所以, 種種的點點滴滴便是我最大的精神食糧! 

今次這個外影大家都抱著去玩的心態, 因為相中的主角是我的妹妹同妹夫, 佢地今次影這輯相純粹是因為佢地結婚一周年, 想去南生圍影番一輯相留念, 而我爸爸又想在秋涼的月份去影下外影,  攝影師除了我爸爸之外, 還有我男朋友呢!

 我妹妹似唔似我呢?

我都好鍾意這幅相, 因為這個角度是我想出來的, 利用樹木的空隙位去營造一個相框的感覺!

.

來到南生圍必定要拍攝的景點 - 水塘和木橋, 同場加插我爸爸的背影, 哈哈 !

 4點的時間光線是最柔和的!

情深的一吻! 這幅相亦是我另一張我最喜愛的作品, 是在我地等CALL車期間發現這個日落時份真係好靚, 剛巧個日落好似一支蠟燭模樣, 我即時拿了我個傻瓜機捕捉了這一幕, 真係好靚!

至於這一張我是想將個蠟燭放在佢地兩個人當中, 大家望住同一個方向, 代表著佢地兩個人將來的路, 無論是喜樂或是困難, 兩人都要一齊去分享, 一齊去克服, 一齊去面對! 大家向著同一個目標去邁進!

最後, 希望你地繼續恩恩愛愛! 甜甜蜜蜜! 唔知道你地下年會唔會又影番一輯兩周年紀念專輯呢? 哈哈!