網誌分類：My Works |
圖片
網誌日期：2008-12-17 16:06
2008年9-11月份 上午8:30 影音使團office
今日偷得浮生半日閒, 要努力d update個blog, 現在都堆積了10-11月的JOB未upload上去, 再咁樣落去12月都就快完了, 我真係唔想要一次過將10-12月的JOB一次過upload上去, 同埋我都想早些同大家分享我這幾個月來的工作!
今次這個節目是由影音使團製作的, 好對唔住大家因為我咁遲先upload, 令到大家錯過這個節目, 因為這個節目已於10-11月份播映完畢!這個節目叫做"為何不可能" 一連六集於亞洲電視本港台同埋創世電視台播放!
講番今次合作的藝人有梁藝齡(Fiona), 何佩儀(Peggy)和萬斯敏(Phyllis), 唔講唔知我以前很喜歡看梁藝齡(佢以前叫梁佩玲)做的劇集, 差不多有她做的戲都會看, 今次能夠同佢合作, 真係令我興奮又緊張, 有如小fans的感覺 ! 不過, 我没有跟她說呢! 現在和她成了朋友個感覺有些不一樣, 大家一講化妝同減肥都有說不完的話題, 每次講到雞啄唔斷的時候就要埋位! 可能人大了對追捧偶像没有太大的感覺, 換著以前可能我會問她拿簽名也不定, 但現在只會站在一邊用欣賞的角度去看她, 我仲記得佢親自炮製了一杯香蕉火龍果奶給我品嘗, 真係好好飲嫁! 是減肥的佳品! 多謝你呀Fiona!
至於第二個介紹就係何佩儀(Peggy), 佢係一個好愛主的人, 亦係一個好活潑開朗的藝人, 有佢係到可以令廠的氣氛變得很開心同好好笑, 因為佢實在太有喜劇細胞了, 最近佢更出了一隻兒歌碟, 仲送了一隻親筆簽名CD給我, 多謝你Peggy!
最後一個介紹就係萬斯敏(Phyllis), 相信大家都知佢就係歐錦棠個太太, 我覺得佢比我的感覺係好親切, 同佢傾計好舒服, 好似個大姐姐咁, 我會好願意同佢分享, 佢又會好願意去聆聽, 仲會比意見我tim! 原來佢以前都有去過英國學化妝, 現在多參與一些舞台的工作, Phyllis多謝你寶貴的分享!
貓紙??
好開心能參與今次的拍攝工作, 希望下次再有合作的機會啦!
