韓舍@元朗

27-9-2008

今日原先想同阿叔佢地打波，但係我瞓死左，電話都嘈我唔醒。起身已經點幾，唯有約媽媽飲下午茶啦，飲完茶同的小朋友去公園玩，ida扮完靚靚就過左黎同我匯合，距離食飯既時間仲有幾個鐘，諗唔到去邊就上左gary屋企hea喇，幾個一齊睇ida同kat的婚紗相，影得好靚啊，不過有的排版就係差左的的。總係覺得人地的相影得靚過自己果的既。

睇完又冇咩攪，4條友仔落街行左陣，跟住就去食飯喇，行緊去既時候先知原來間野係任食2小時既，去到一坐底好似放監咁食得好急，的野食真係好一般，服務又冇乜，應該唔會有下次lu。

食飽飽等錢駛既阿叔遼我地打牌，又上左gary屋企玩跑馬仔，打牌既時候，baby chloe不時走入黎裝我地，她真係好得意，好多表情呀，差唔多12點就散band各自回家lu。

今日出席既有我地既9月之星，ida & 阿叔，其餘既有林生一家三口、jackie一家兩口、gary、sorry、恩恩同埋我。