曾共渡過漫長的歲月.........

有D回憶係幸福嘅...伴隨你成長嘅每一個階段
或低能或搞笑.......
呢D真實嘅開心同笑聲縱使係難忘...亦都可一不可再

我地嚟數下呢D開心嘅回憶........
睇下我地係咪都有著相似嘅童年！？




呢出動畫片應該都係喺我好細個嘅時候睇噶喇！
我好多簡單嘅英文單詞都系喺里面學噶咋！簡直可以媲美而家專門比BB睇嗰d baby can read啊！！
好記得..嗰陣真係睇到我kitkit聲咁笑噶！！嗰只老鼠仔真係好聰明ga...但係只貓就好蠢lo...成日比人穩咗老襯都未知.....XDDDD

熱播指數：★★★☆




佢地可算係disney嘅始祖...
講起唐老鴨...有段古ga...話說當時仲係BB嘅我..仲未識行凈系識坐..
咁Kei姑姐就將我擺落個盆里面..只要佢一講唐老鴨嘅故事...我就即刻唔喊.... 就算賴咗CC都仲喺度笑住咁聽唐老鴨嘅故事...係后尾D CC散發出嚟嘅異味..先令到大人知道...O__O"（咁神奇？！拿～～係D大人咁講...我就咁復述噶咋！）

熱播指數：★★★




我仲記得佢地首主題曲呢～～“藍精靈～～hey～～十分勁！！hey～～呢班馬騮唔定性～～百厭活潑快反應...總之沒法靜一靜…………”以前細個..我仲拍住手仔咁唱噶！！不過你而家問我..里面個故仔係點？唔好意思...我真係唔記得曬lo！

熱播指數：★★★




聰明小一休
記得細個見到呢出動畫片就會“一休哥一休哥”咁樣叫...
但係真係太細個嘅關系....具體情節講過咩？同樣都系唔記得！！

熱播指數：★★★


大力水手
細細個肯食菠菜都係因為佢咋！！D菠菜其實好澀口噶嘛！！我一D唔鐘意食...但係媽咪就話“大力水手變得好大力，都係因為食咗佢咋！”<("""○""")>...吳C奶D爛gag仲爛過荷媽嗰D！！難得我仲信到十足十吖嘛....

熱播指數：★★★★



圣斗士星矢

想當年呢出咁男仔嘅動畫片一出街...男仔女仔都好沉迷～～
D玩具鋪出咗好多相關嘅玩具貼紙啊咁......
好記得嗰陣同D朋友仔嗌交...就會對住對方大喝一聲“天馬流星拳，全家都玩完” ╮(￣▽￣")╭
其實呢句話都幾毒！！
跟住對方就會話“我反彈...”...
咁我就會不甘示弱地再大喝一聲“再反彈” 囧
好白癡！！

熱播指數：★★★★



隱者龜

對呢四只野+一只老鼠（佢地嘅師父）印象好深刻，事關上年仲有佢地嘅電影版，我當然有捧場啦！不過都好似穩唔翻以前細個睇嗰陣嘅感覺嚕！
睇呢個電影版之前曾經睇過一D介紹，話佢地第一代嗰時出嘅模型公仔而家已經比人炒到好貴！！！
wa～～我記得我細個係有呢四只野嘅公仔噶啵！（好市儈的吳小姐）
真噶～我仲記得佢地個龜背上有個"制",一噤，佢個面具后面嗰個結就曉轉噶喇！！
不過..我翻箱倒柜都穩唔到.....
莫非俾吳C奶當金熔咗！！

熱播指數：★★★★


相信你同我都好熟呢套動畫片喇！！
甚至而家仲睇緊真人版tim～～
小丸子真係好傻好可愛....
或者我地細個都曾經做過小丸子...都曾經好似佢咁傻！！

熱播指數：★★★★★




“誰人蒙查查..誰時時蒙查查～～蒙查查……ahahh～～蒙查查是個橙波波”
基仔唱得好好聽啊！！
嗰陣我個個星期都睇兒歌金榜都係為咗聽呢首歌咋！！
當年twins同李紫昕姐姐都仲未成為兒歌專業戶呢！！XDDDD

熱播指數：★★★★




美少女戰士

講起當年嘅最愛...就緊系非佢莫屬la！！
佢出咗五部..我都有睇噶！！
月野兔、火野麗、木野真琴、愛野美奈子、禮服蒙面俠XDDDDD
咁多年我仲記得噶！！
當年我用咗唔少早餐錢買佢地嘅閃卡同貼紙...
仲用相簿一張張咁裝起佢噶！！
佢有唔同嘅主題曲...印象最深刻嘅係周慧敏唱嘅嗰首
“美少女轉身變.......已變成戰士～～以愛凝聚力量救世人跳出生天～～～～”

仲有一首，好似係許思行（話係許冠文個女嚟噶wo）唱嘅，歌名都唔記得係咩喇！！只記得係咁唱嘅
“如你可聽到這禱告……愿原諒孤單女子不敢去表露～～每夜我只可對月盡訴....繁星里獨舞....寧愿永棲身黑暗，怕夜變早～～～”
真係好好好好聽lo！！俾十個“正”佢呀！！


其實D兒歌又真係幾好聽！！不過只限以前嗰D囖！而家嗰D？！
我唔識佢...佢又唔識我！！老囖！！！

熱播指數：★★★★★（爆曬五粒星）XDDDD




長腿叔叔
喜愛程度...美少女戰士之后就到佢喇！
而家睇翻....依然覺得好好睇，一D都唔覺得弱智！
反而睇翻美少女戰士仲覺得會弱智添！！
好少女嘅一出動畫片！
少女暗戀嘅題材永遠都不落俗套嘅！！仲好呃到女仔睇添！！
外一讚..同樣係佢嘅主題曲，我而家依然可以唱得出記得到歌詞！！

心中的牽掛  悠悠講給天空知
每一串夢兒  埋藏我的心事
簡單一封信  無窮愛意話你知
盼會交到你手上  心中的天使
藍色的天空任鳥飛   水邊青青小草任我躺
心中永永遠遠懷念你   你是我家  ahh～～
長腿叔叔你好嗎   交出溫馨的心是你嗎
可否每個季節來伴我  解開牽掛

好聽好聽

熱播指數：★★★★★




咕嚕咕嚕魔法陣

最記得嘅.............當然係吉他他老人la！！XDDDDDD
佢一出場就肯定爆笑～～～
至于歌莉係點？唔知杰仁定仁杰係點？真係唔記得囖！！
不過滕麗名唱嗰首主題曲都幾好聽！！

熱播指數：★★★★



蠟筆小新

拿拿拿～～
係咪想同我講...你而家仲有睇呢！！？？XDDDDD
我有時無聊都會睇下噶！！
真係笑爆嘴！！
尤其小新個衰仔嘅經典對白“姐姐～～你條裙好短啊！！”
XDDDDDD


睇完呢篇野..係咪都好想穩翻嚟睇呢？！
時興集體回憶...
如果唔係咁樣數數下...都醒唔起..原來自己嘅童年係咁快樂噶！
仲擁有童真..真好！！