大家好 ! "家嫂唔易做"又同大家見面了 
~ 不過請大家要有心理準備 , 因為這篇卜很長很長 , 皆因我有一些心底話要說 
; 請大家抽空慢慢細心閱讀 
.
大家還記得第一篇"家嫂"卜 ( 第一章之"老吾老以及人之老" ---> 網誌重溫 ---> 家嫂唔易做---開壇 ) 嗎 ? 相信都不太記得的了 , 因為那已經是8個多月前寫的文章 
~
今日我想就 "婆媳關係弄得不好 , 應該結合與否" 一題上跟大家分享兩個真實個案 
.
個案一 :
人物 : 一家四口 ( 兒子 , 媳婦 , 孫仔 , 孫女 ) + 奶奶 + 工人
媳婦脾氣很差 , 對奶奶的態度很惡 , 丈夫要看太太的臉色做人. 當太太在家的時候 , 丈夫跟他媽媽(即奶奶)很少說話 ; 但當太太不在家的時候 , 丈夫跟他媽媽(即奶奶)就會暢所欲言 , 氣紛相當和諧.
媳婦會限制丈夫給奶奶多少家用 , 丈夫只有待太太不在家的時候才可以偷偷地給額外的零用錢奶奶. 奶奶在這樣的條件下與媳婦共住了好幾個年頭 ( 主要功用是湊孫 ) , 但最近奶奶發現媳婦的行為愈來愈不合理 ( 其中一樣是媳婦竟然將別人寄給工人及奶奶的信件丟進垃圾桶 ! ) , 所以決定搬返鄉下居住了 , 而工人亦都不能再容忍女主人的行為 , 最近都辭工回了印尼.
奶奶現在怎樣 ? 我不知道了 , 不過相信一定會比留在香港快樂 , 因為鄉間還有一個很疼她的兒子 , 媳婦及孫兒.
個案二 :
人物 : 兒子(以下稱"男友") , 兒子女友 (未來媳婦) + 未來奶奶
男友跟女友拍拖十多年 , 二人跟未來奶奶一起生活 ; 但不知從何時開始 , 女友跟未來奶奶關係很差 , 而奇怪的是未來奶奶一直也不明白是什麼原因令女友那麼討厭自己 
. 未來奶奶曾數次向親友訴說她倆從沒有吵過架 , 真的想不到是什麼一回事 ( 女友會這樣討厭她 ) ; 我猜想也許是老人家有時長氣一些而開罪了別人而不自知 , 但相信怎樣也不會是有過什麼大爭執.
一直以來 , 女友對男友及未來奶奶都是很多不滿的 , 但最近女友眼見身邊很多人也結婚 , 所以想儘辦法欲修補"婆媳關係"以希望男友主動提出結婚 ( 女友已四十多歲了 , 外表仿如一個結了婚生個小孩的中年婦人 ; 不過其實外表是其次 , 心地反而更為重要 ; 不過可惜..............
) ; 也許這就是男友多年來一直也不肯結婚的原因吧 ~ 但他又不忍心拋棄拍了十多年拖的女友 , 心知道她在市場上的"競爭力"相當有限 ). 女友對未來奶奶的態度一反常態 , 經常逗未來奶奶開心 ( 以前是一回到家便自己躲在睡房的 , 不會跟任何人打招呼 
, 從來也不會跟男友回家吃飯 ) ; 但未來奶奶也很接受她 , 因為由始至終未來奶奶對女友也沒有什麼的.
一個為求達到(結婚)目的而態度上作出180度轉變的人 , 明眼人一看便知道什麼事了 
. 但好像未來奶奶及男友仍然不知道發生什麼事 ! 其實未來奶奶很友善的 , 有一次被女友"餐"著腰駡也不跟親人說 , 只是有一次無意中哭訴了出來.
大家看到這裡 , 請不要覺得我在道是道非 , 我真的想不到辦法了 ! 我一定要說出來 , 否則我會谷爆的 
! 實不相瞞 , 其實那男友是我的親戚 , 我們全部人都很清楚那女人的為人 , 而且亦都多次對這親戚作出勸諫 ; 可惜最近他好像中了毒般 , 什麼也聽不入耳 ! 什麼也聽那個女人說 ! 影響了與親人之間的關係 ( 包括他的親兄弟 ! ). 那女人在他面前裝模作樣 , 做給他看她在改變 ( 包括對他的媽媽好 ) ; 但在他背後 , 她是怎樣對待男友的親人呢 ?! 我也不在此說明了 , 否則幾千字也寫不完 ! 一個人兩副咀臉 , 好像"與敵同行"的阿言一樣 ! 很可怕 
!
那男人有沒有腦我不在此評論 , 但有一點可以告訴大家的是 , 他是一個心地善良的人. 我們全個家族的人也不想見到他日後晚年生活悲慘 ! 一但他跟那個女人結了婚 , 他的媽媽就會少了一個兒子的了. 這點是可以肯定的 ! 日後人又老錢又冇 , 又冇仔女 , 很淒涼呢 ~ 也許是我們想得太嚴重 , 但眼見他踏入一個萬丈無底的深淵 , 我們豈能裝作若無其事呢 ?
究竟我們可以怎樣做 ?
我在此提出這兩個真實個案 ( 第一個個案不是我的親人 ) , 是希望連繫出 :
1) 已成的慘局 --- 兩婆媳關係不好 , 奶奶成為兒子與媳婦之間的磨心 , 難為了奶奶 , 最終大家也不快樂 ;
2) 未形成的慘局 --- 未結婚的婆媳關係也弄不好 , 與男友的親戚們關係惡劣 ( 包括離間男友與兄弟之間的感情 ! ) , 人際關係差極 , 完全沒有朋友. 試問入門後會怎樣 ??? 男人呀 ~ 難道你想家無寧日 ?
大家可以告訴我怎樣去勸服男人嗎 ? 他是否被落降頭 ?
一個月大之貓女 - 7884...
一個月大之貓女 - 7860...
一個月大之貓女 - 7858...
竹林深處熊貓...77 2008-11-08 21:22
不過, 安慰下老人家"十隻手指都有長短, 佢同呀邊個夾到既, 幸福既為有由得佢地, 最多我地呢d唔啱睇既人唔好睇佢地囉!
呢個世界真係唔係人人都易相處, 貓地都有唔同性格啦! 唉!
中立的人 2008-10-31 20:45
小妹妹,
如果男友跟未來奶奶都喜歡女友了, 妳是否應該尊重當事人的意願呢?
愛貓咪o既靚主人 ^o^ 2008-10-29 09:49
嘩!!!緊係唔好比個女人同個仔結婚啦!!!!!!!!!!你既個案有d似我細佬及佢女朋友!不過分開左,^^
結埋婚!!!真蝦死老人家.........................個女人為自己才對老人家好.........
結左婚之後......好難想像~~~~~~
貓貓園的園長 2008-10-28 13:54
真係好似做戲咁，估唔到會係身邊發生。唔好激氣啦！個親戚唔聽勸告，就不如遠離佢啦！當佢覺得無人肯理佢，可能就會識諗呢！
Deki 2008-10-25 23:38
♡ coffee仔 ♡ 2008-10-23 11:34
bobbycat 2008-10-22 15:38
金花婆婆 2008-10-22 12:39
唉, 你親戚同個女人相處咁多年唔通唔知個女人係咩野料子咩, 睇住佢變
只不過我覺得你親戚有點自欺欺人, 習慣了就不想有任何大改變
其實好多人都係咁, 而佢亦都唔肯定自己可否再搵到另一個
佢地咁大個人就由佢地啦! 你地多d睇住個老人家啦!
小肥恩 2008-10-22 02:50
勸服個女人仲實際啦。
個女人自已第時都唔會開心。
牛牛米米の有野睇呀 2008-10-21 10:18
我都見過D唔可以接受既人, 但呢D野真係唔到第三者去理,
激心都係咁話, 理唔到咁多, 路係佢地自己揀, 第日有D咩,
我會贈佢四個字 ─ "自作自受"!
concon 2008-10-20 16:49
屋邨靚師奶 2008-10-20 14:04
可能男的好人，根本想像不到女友是這樣的人，亦都可能與你所說--怕她無市價，他好人到攬上身，可能佢對女友的愛不是那種。
我都有個故事 --
男的是沒有機心、不會量度人心 及不會發脾氣、就算不高興都不會好大聲。男的認識了女友後，只聽女友話，不理會家人的感受。
但他的女友話他是 -- 在家經常向他媽媽發脾氣，不是一個好脾氣的人，所以我都好迷糊。不過女友是有講大話的習慣，可能不是講大話--是 精神分裂。
5少奶 2008-10-20 00:39
以上case真係當局者迷喎! 雖然那女子為了討好未來奶奶而作出改變, 或許那女子真係好愛佢男友呢~ 有時d嘢, 旁觀者勸又勸過, 結果係點由當事人自己承受返, 一個願打, 一個願捱~ 看開點吧~
我有我的新空間 2008-10-19 17:03
cake女 2008-10-19 15:43
唉, 算吧啦, 佢去死唔通唔比佢去咩
哈哈期待聽結果呀
Curious 2008-10-19 13:02
感情事很難說，反而勸那未來奶奶搬去其他疼愛奶奶的地方住
股票貓 2008-10-19 00:58
好難勸喎, 相處咗10多年, 嘜毒都中晒啦~ 不如搵個人勾走個女友好過~
阿Tri@尹師奶 2008-10-19 00:52
嘩!!!!我想你都係發現了佢好多衰野，真係屈得好緊要wor!!!
我地局外人真係講唔到d 咩, 所謂忠言逆耳,
不過我成日都覺得其實你講左比佢知, 佢都會思考下既, 比多d 時間佢!!!
貓猫 2008-10-19 00:33
貓B & 大力 2008-10-18 23:52
Cat Family 2008-10-18 23:31
家家有本難唸的經.
有時有些事, 外人真係很難三言兩語便可勸諫的.
其實個問題係個仔庶, 唔可以賴晒個女人. 佢夠孝順的話, 又怎會容許人家咁蝦阿媽啊?
貓B & 大力2008-10-18 23:47
隨波逐流 2008-10-18 21:16
meowmeow 2008-10-18 17:49
做人, 要對得住自己的良心, 善惡到頭終有報 ,
只有黑和白, 沒有灰色,
勸極唔聽, 就慳淡氣啦, 情人眼裡出西施, 千依百順就係她們之間的愛, 旁外人插不了手, 路是人家自己選的, 每個人有自己的回報
♧.:::戀愛中的小貓 2008-10-18 13:19
拍左咁內拖10幾真係好難話分開o既
不如搵機會比佢見識下佢女朋友真面目啦
Jasnow 2008-10-18 12:58
其他正路方法係好難插手啦!
貓B & 大力2008-10-18 23:44
我地都諗過呢個方法的 , 不過我地知道個男人係唔會做得出(找個新的) ; 如果佢真係會嘅話佢一早已經有大把機會了.
豬皮蘿白~生活區 2008-10-18 12:49
ah lai 2008-10-18 12:07
番薯 2008-10-18 11:29
車厘 2008-10-18 09:32
旁觀者清，當局者迷嘛，都好難勸，希望佢及早醒覺啦！但係奶奶有無可能唔同佢地一齊住呢？我都覺得一齊住係難架，我同老公搬左出黎住之後，同奶奶關係好左好多，始終兩個家庭唔同文化，大大小小事情都可以引起爭執，久唔久見下面大家都會容忍到嘛．
藍雨 2008-10-18 00:37
可能我個人比較勢利, 唔知點解, 我睇完之後, 會有以下既想法...
1) 我覺得男人要離開女人, 係好容易既一件事, 而o係你親戚個case, 我懷疑可能佢有把柄俾個女人拿住, 如可能大家d錢擺埋一齊等唔知咩既理由, 所以個男人唔可以離開個女人
2) 對於老人家黎講, 最緊要係個仔開心, 而且佢同個女友都無咩牙齒印, 自然唔會阻撓
3) 依家係個女人想嫁, 佢當然會費盡心思, 我相信男人同老人家都知道發生緊咩事, 只係男人唔做野, 老人家更加無位講野
4) 如果個男人係要中個頭落去, 係無人能夠阻止佢, 唯有同佢祈禱...
最後一句: 旁觀者清是也!
香港摺耳貓病友會 2008-10-17 23:35
一定要個女人現型先可以俾到個男人當頭棒喝...嗰個女子係咪係男友不在家時就對未來奶奶及其他屋企好差既. 係既就不如錄佢音, 偷拍低俾個男人自己睇. 等佢睇下個女子既真面目..
貓B & 大力2008-10-18 23:37
meowmeow 2008-10-17 21:32
只難講 : 家家有本難念的經
願打就捱下去唔出聲, 唔願被人老馮無理自私的打下去, 就行出來
如果被欺負, 受委屈, 個男人都係幫親不幫理, 就應該自己清醒下, 會出個網誌 (短) 回應下, 做女人, 老實講, 好無奈
mao 2008-10-17 18:54
之心友 2008-10-17 16:41
兩個人一齊有好多野第三者係唔知，而且佢地都已經一齊十多年，關係一定有番咁上下，可能女方係男友面前講左好多野，男方覺得有道理，咪聽囉，唔會係降頭咁嚴重，好多時我地外人覺得佢地根本唔襯唔登對，但當局者迷，真係乜都聽唔入耳，除非當時人覺得唔可以接受先會放棄，否則，我覺得冇得勸，中言亦耳，佢只會覺得你地中傷佢女友。
肥腩媽 2008-10-17 15:19
至於話勸服個男人, 我相信真係有o的難度, 一係你o地只設o的陷井, 等個女人現原形, 咪你o地做旁人好難令到個男人肯相信你o地ga!
女王的貓室 2008-10-17 14:58
藍冰狐 2008-10-17 13:27
呢d野真係好難令男仔改變佢對佢女友既睇法架喎......
littlesoso 2008-10-17 11:58
矢口日月 2008-10-17 10:38
aGree !!!
abebe 2008-10-17 10:20
有時真係當局者迷~~除非肯去佢面對事實 (就好似Carmen一早都收到匿名信, 但都係會聽阿言的解釋, 佢都會信阿言.....到最後太多太多野令佢唔可以唔面對.......不過都真係要佢肯去面對)
又或者, 可能個女人真係年過四十, 思想又同之前轉變左都未定, 可能佢都有心想去改....有時人大左, 諗野又會同以前唔同左都未定, 當俾個機會佢?
條路最後都要係佢(男親友)自己揀, 如果佢覺得個女人對佢好, 佢又可以接受到, 亦甘心同個女人繼續走下去, 你地都只可以由得佢, 以為大家過時過節開開心心食餐飯, 平時就得閒約到就聚聚.....