住家飯

來自遠方的親友來訪, 強調想食"住家飯", 吾想出街食.

仲話好想飲湯, 話返咗香港之後一路都無湯飲, 好想飲"蕃茄薯仔湯".

天時咁熱, 真係吾係好想煮, 但見佢一副好耐無食住家飯的慘樣,

就整個簡簡單單的四餸一湯佢歎下啦(見圖, 隻雞係外賣的, 個湯無影相).

我平時好少招呼親友返屋企食, 一來自己煮得慢,

費事要人等, 二來煮一餐飯, 有湯有餸咁, 都咪話吾辛苦,

好似今次咁, 由買餸到煮到洗碗, 都係我一手包辦,

搞咗幾個鐘, 熱到暈, 好在呢位親友真係幫我掃晒

啲湯呀, 餸呀, 好似好enjoy咁, 都無白費我一番心機.