豆豉韮花炒肉粒

近來天色陰沉, 日日落兩, 人都悶悶地.

心想不如整個鑊氣小炒醒下神.

我幾鐘意食韮菜, 貪佢爽口又高纖,

唯一係怕食完有強勁口氣,

聽講韮菜花食完吾會有口氣,

就買一束黎炒肉粒, 仲加埋豆豉一齊炒,

吾惹味就奇.

題外話: 最近我留意到屋企牆壁上有些比芝麻還要細的昆蟲,

一粒粒黑色的, 有大有細, 大的有半粒芝麻咁大,

細的好似粒塵咁細.

初時以為係跳蝨, 但見佢又吾曉跳又吾曉飛,

淨係在牆上lan lan下, 用紙巾消滅咗十幾粒, 第二日

又見到有. 都吾知係咩.

我地懷疑佢地係從屋企積存的舊文件/舊書刊中爬出黎,

於是一不做二不休, 索性把那些儲了兩,三年, 明知無咩用

但又想keep住先的舊文件同書刊一次過丟掉.  

之但係, 一輪清理行動之後, 呢啲小傢伙仍然存在,

有無人可以話我知呢啲係mud? 可以點對付佢呢?

***********************************************************

後記：

今日家務姐姐上門做清潔, 佢都有留意到呢啲小蟲,

佢話係"牆蝨", 係因為呢排日日落雨,

加上我住呢區近海, 環境潮濕所以繁殖得特別多,

佢話佢其他客啲屋企都有. 佢嘗試用稀釋咗的漂水抹牆,

睇下會吾會好啲. 佢仲建議我地多啲開抽濕,

抽走啲濕氣.