網誌分類：外遊筆記 |
圖片
網誌日期：2008-05-16 10:40
三天的台北之旅，行程怱怱...
台灣出名多小食, 出啲相比大家睇住先:
在"101"附近商場內吃重量級超厚草梅窩夫, 滋味滋味~
旅行團必到深坑豆腐街吃臭豆腐, 領隊推介的這檔很靠得住, 台灣的臭豆腐並不臭, 預先炸過的長條型豆腐用竹籤串著, 賣之前燒熱並掃上秘製醬汁, 伴爽口的泡菜絲一起吃, 風味極佳!
士林夜市的小食五花八門, 雖然未必款款啱口味, 但都算大開眼界:
這檔大香腸是領隊推介的, 說是馬英九最愛吃的小食. 可別誤會, 不是整條賣給你, 100台幣一份, 一份給你切約十小片, 伴生蒜一起吃. 肉腸幾鮮味, 加埋微辣的生蒜, yummy呢, 都算無介紹錯!
這檔賣夾餅, 忌廉朱古力餡, 看樣子也幾好吃, 但發現時已吃飽了, 只能拍張照.
領隊另一推介: 水煎飽, 有椰菜餡和豬肉餡兩種, 十台幣一個. 看來是全個士林夜市裡最不熱氣的一個小食, 飽皮鬆軟, 椰菜餡清甜, 我連吃了兩個. 
路邊沙律檔, 放滿各式瓜菜,還有雞肉, 好吸引啊, 但有點担心衛生, 沒有試.
又是吃飽後才發現的燒蝦檔, 有個魚缸裡養著活蝦, 即燒即食.
唔...雖然滿街小食, 但以小食作晚餐還是怪怪的, 我們還是要找些粉麵打底.
炒米粉(左)--賣相普通, 但味道不錯
生炒花枝(右)--沒料到"生炒"原來是這樣子的, 在我看來, 實情是"大pat獻汁燴花枝", 味道不甚討好.
蚵仔麵線: 又是杰杰的湯汁, 可能這是台灣特色吧, 味道普通.
近幾年既時裝潮流真係好正！越來越多男裝女著，女裝男著！上次幫 Zip magazie做化妝， 就係要幫個靚仔model化女妝......
0222.jpg
0222 044.jpg
0222 045.jpg
魔鬼之料理達人 2008-05-25 20:30
流浪影子 2008-05-20 20:47
哎呀 ~~ 唔記得講 當時我食阿宗麵線
食o左一啖之後 發覺比較清淡
加入大量佢D辣椒醬 哇 原來加o左辣椒醬
先係真正好味呢
流浪影子 2008-05-20 20:46
貓眼 ~~
我就覺得台北D街頭小食仲 OK
我記得去台北 我都係一路行一路食
D食物全部都無問題呢 其實 我最懷念既
都係台灣既臭豆腐 & 花枝羹
貓眼2008-05-22 16:10
Yanomi 2008-05-17 11:52
唔...我果次去台灣都係跟團~不過果時未有101
依家好似唔同晒咁呀~街邊食物我其實都有d怕
不過睇下當時環境先決定咋~係啊...發唔發覺
依家跟團去玩~比10年前已經唔同晒~以往好趕鴨仔ma
依家改善左好多~可能多人嫌跟團太趕時間啦
我覺得依家跟團其實都好hea架~好唔錯囉
阿宗麵線~荃灣都引入左一間呀
貓眼2008-05-17 12:38
yes ar, 我都覺得宜家跟團都吾算好趕,
貓爪平時返工好勞神, 放假佢吾想plan同諗任何野, 所以近年我地都係跟團多.
跟團有好有吾好, 有啲人吾鐘意旅行團帶佢地去買野, 但我就覺得有時佢地介紹啲手信又幾ok喎, 自由行未必識去,尤其係大陸, 亂咁買可能會比人呃. 上次去華東個團帶我地去買菊花同龍井, 啲質素真係好好, 係香港都揾吾番.
鋼條媽媽 2008-05-17 05:57
貓眼2008-05-17 12:28
翹寶寶 2008-05-17 00:01
貓眼2008-05-17 12:30
你都食過呀? 趁熱食真係幾正.
唔, 係lu, 佢地啲汁好杰, 但杰得黎又無味, 怪怪囉.
小公主 2008-05-16 14:58
原來貓眼你是跟團的, 仲去埋北投, 三日好緊迫呀..
去台灣離不開食食食, 但我都覺得衞生有啲差, 我都係揀黎食咋,
驚肚痛呀, 同埋個個夜市都是差不多一樣買的食物,,
反而西門町的阿宗麵線, 一定會食架, 食要臨上機前食多碗呀.
貓眼2008-05-16 17:58
係呀, 我地跟團, 個行程吾算好緊迫啦, 都無去故宮博物館嗰啲.
阿宗麵線我有聽過, 真係咁好食? 台灣小食係有風味ge, 但論味道, 就一定吾及香港lu.