世界遺產--福建土樓

落選亞姐筱靖，以學生身份加入亞視。現時工作多是主持，她坦言適合自己，能發揮所長。提到優勝之處，她不諱言是口才了得，能操兩文三語，更曾學習手語，足夠令她突圍而出。

筱靖（Manecy）參加《2007年亞洲小姐競選》雖然落選，但卻被亞視看中簽約成為藝員，在短短一年中，亞視給Manecy不少機會，尤其是主持方面，有機會讓她發揮所長，令她開心不已：「之前只係一個學生，好開心公司畀好多機會我，其實由細到大我都鍾意演戲，依家主持方面我都可以處理到，所以希望有機會試拍劇，我從未拍過劇。」

雖說亞視的競爭性不算大，但不代表沒競爭，問Manecy有何優點突圍而出？她爽快地說：「我口才唔錯！各方面比較平均，有好多內地佳麗都要努力改進廣東話，我普通話、英語、廣東話都得，我本身係廣東人，溫哥華返！我仲學過手語，算唔算識四種語言？」不過她未因此優勢而自滿，更學唱歌、跳舞自我增值，提高競爭力，就算做每件工作，一樣努力學習，她說：「雖然做緊主持，但平時都會讀報紙練發音，因為做資訊節目咬字要執到正，絕對唔係平時講咁，仲有改進空間。」

以珈潁為目標

至於發展目標，Manecy揚言希望走紅，而短期目標則鎖定珈潁，她虛心地說：「我同珈潁合作做《台海和平與戰爭》，我要背八段稿都好吃力，但佢好犀利，佢負責二十五段，十次之中，佢有六、七次都係一Take搞掂，證明佢好努力，值得學習！」