網誌分類：晉晉小b記事簿 |
圖片
網誌日期：2009-12-12 23:34
今朝一早要帶晉晉去健康院打乙型肝炎第二針呢~
去到先磅重先, 今日晉晉有3.95kg呢~ 雖然比起出世o既3.35kg只係重得600g, 叫做o岩o岩合格, 但因為頭兩星期跌磅跌得厲害, 依家呢個體重比起兩星期前, 係重o左好多呢, 已經好叻仔啦~ 見o左姑娘再見醫生, 都話晉晉o既進展理想, 無問題啦~
跟住就叫名入房打針啦... 姑娘叫mami幫手按住晉晉o既膝頭, 一打落去... 嗚嘩... 晉晉只係大喊o左一下, 就收o左聲無喊啦... 叻仔~ 出o左o黎, 入o左母乳餵餔室, 諗住俾晉晉食下奶安撫下佢... 坐低見到佢諗諗下, 咀仔一扁... 嗚嗚... 幾聲... 好可憐咁樣, 跟住又收聲啦... 再隔一陣, 再諗下, 再扁咀, 又嗚嗚幾聲... 跟住就乖乖食奶奶啦~ 食飽就無事發生過咁, 瞓覺豬囉~
呢兩日晉晉又進步o左啦, 要換片或食奶時都唔會即刻大喊, 會伊伊哦哦叫mami先, 幫佢換片o個時一攤開塊片佢會自己提高對腳, 對蓋返塊新片又會自己伸直對腳... 開頭都覺得只係咁o岩, 但後來發現次次都係咁喎... 晉晉真係識o左啦~ 自己瞓o係度o既時候, 晉晉開始唔會大喊, 識得安撫自己, 乖乖地瞓住四圍望呢... 每一日都睇到佢又學多o左o野, 真係好開心呢~
Yan〝｜凍檸蜜〞 2009-12-13 15:15
晉晉加油~晉晉好勁~你叻左甘多，抵讚
小布 2009-12-13 12:23
02妹妹!?零遙? 2009-12-13 11:32
好叻仔...
有D BB係唔係都喊咗先= ="
好嘈加...
02妹妹!?零遙? 2009-12-13 11:32
好叻仔...
有D BB係唔係都喊咗先= ="
好嘈加...