貓用餐桌O-O

今個月除左買左貓梳化, 另一敗家之作乃貓餐桌是也

平時, 每貓豬有一個吃乾乾的兜, 至於吃罐罐, 就是用這個孖兜了

近日發現個膠製孖兜既碗底有不少花痕(莫非係貓舌做成既), 加上一直想試下用貓餐桌是否真的可以讓貓豬脖子減輕負擔, 所以就上網勁search, 卒之買左呢款喇

本來想買個款雞雞枱, 因為個賣家d評分太差, 唔敢同佢買 繼而買左呢個第二選擇--黑白兔 4隻枱腳均有螺絲, 用家只需自行鑽落木製枱底, 即刻用得

雖然張枱係高左少少, 不過睇下貓豬前腳, 本來食飯時前腳係完全屈埋既, 宜家就稍微張開, 台高左上身, 個頭仔咪又係要"烏"低食 所以條頸係咪負擔細左, 真係唔知道 反正就算我問佢地, 佢地都唔會答我

如果同本來個孖兜比較好壞, 一來膠兜容易引起貓下巴同貓嘴敏感, 二來太熱食物又一定要放涼先可用膠兜盛載, 以免釋出有害物質, 三來宜家既不銹鋼兜清潔好D, 唔會藏污糟嘢係花痕度, 四來亦應該比較耐用

WAKAKA數左咁多好處黎支持自己買呢張枱, 咁又講下有咩唔好.....HEHE咪就係對個荷包唔好囉, 個個膠孖兜用左成年....係百佳廣場買, $10, 呢張貓枱你地估下幾錢?

係$150呀 唔知用唔用到15年呢? 就算用到, 我諗我都忍唔住要買款新既

傻黑酷愛洗兜 每次食完飯都總要洗哂兩隻兜, 唔知個膠兜D花痕係咪就係佢努力既痕跡呢?

有樣嘢唔記得講, 買之前無諗到, 用到先發現, 貓地食食下個鐵兜會搖, 不斷撞落木枱都幾嘈下 

食到耳仔都郁哂 夜晚已經唔夠光, 你地仲耳仔郁郁搞到mami影唔到相喇